തിരുവനന്തപുരം: അഴിമതി കയ്യോടെ പിടികൂടിയപ്പോള് മന്ത്രിസഭയില് നിന്ന് രാജിവെച്ച ഇ പി ജയരാജന്റെ നടപടിയെ മഹത്വവല്ക്കരിക്കുന്ന സിപിഎം നിലപാട് അപഹാസ്യമെന്ന് ബി.ജെ.പി സംസ്ഥാന അധ്യക്ഷന് കുമ്മനം രാജശേഖരന്. അഴിമതിക്കെതിരെ പോരാടാനോ അഴിമതിക്കാര്യത്തില് യുഡിഎഫില് നിന്ന് വ്യത്യസ്തരാണെന്ന് കാണിക്കാനോ അല്ല ജയരാജനെ രാജി വെപ്പിച്ചത്. മറിച്ച് മുഖ്യമന്ത്രിക്കു വേണ്ടി ജയരാജനെ ബലിയാടാക്കുകയായിരുന്നുവെന്നും സി.പി.എമ്മിനേയും മുഖ്യമന്ത്രിയേയും വിമര്ശിച്ച് ഫേസ്ബുക്ക് പോസ്റ്റില് അദ്ദേഹം പറഞ്ഞു.
മുഖ്യമന്ത്രി അറിയാതെ ജയരാജനെപ്പോലെയുളള ഒരാള് ഇത്തരം തീരുമാനങ്ങള് എടുക്കില്ലെന്ന് എല്ലാവര്ക്കും അറിവുള്ള കാര്യമാണ്. നിയമന വാര്ത്ത പുറത്തു വന്നപ്പോള് അതിനെ ജയരാജന് ന്യായീകരിക്കാന് മുതിര്ന്നത് അതുകൊണ്ടാണെന്ന് വ്യക്തമാണെന്നും ഫേസ്ബുക്ക് പോസ്റ്റിലൂടെ കുമ്മനം രാജശേഖരന് പറഞ്ഞു.
[fb_pe url=”https://www.facebook.com/kummanam.rajasekharan/posts/964488236994297″ bottom=”30″]
Discussion about this post