തിരുവനന്തപുരം: പോലിസ് മേധാവി സ്ഥാനത്ത് നിന്ന് മാറ്റിയ ഇടത് സര്‍ക്കാരിന് പരോക്ഷമായ മറുപടി നല്‍കി ഡിജിപി ടി.പി സെന്‍കുമാര്‍. ക്രമസമാധാന പാലനത്തില്‍ കേരളത്തിന് ലഭിച്ച ദേശീയ പുരസ്‌കാരം പലര്‍ക്കുമുള്ള ഉത്തരമാണെന്ന് .സെന്‍കുമാര്‍ പറഞ്ഞു. തനിക്കും ടീമംഗങ്ങള്‍ക്കും സര്‍ക്കാരിനും ലഭിച്ച അംഗീകാരമാണിതെന്നും സെന്‍കുമാര്‍ പറഞ്ഞു. 2015-16ല്‍ മികച്ച ക്രമസമാധാനപാലനത്തിത്തിനുള്ള അവാര്‍ഡ് കേരളത്തിന് ലഭിച്ചിരുന്നു.
താന്‍ ഒരിക്കലും ജനങ്ങളില്‍ നിന്നും അകന്ന് നിന്ന് പ്രവര്‍ത്തിച്ചിട്ടില്ല. ജനങ്ങള്‍ക്ക് എല്ലാം അറിയാമെന്നും അദ്ദേഹം പറഞ്ഞു. ക്രൂശിക്കപ്പെടില്ലെന്ന് ഉറപ്പുണ്ടങ്കിലേ പൊലീസിന് സ്വതന്ത്രമായി പ്രവര്‍ത്തിക്കാനാവൂ എന്നും സെന്‍കുമാര്‍ പറഞ്ഞു. ആരെങ്കിലും പരാതിപ്പെട്ടു എന്നത് കൊണ്ടു മാത്രം പോലിസ് ഉദ്യോഗസ്ഥര്‍ക്കെതിരെ നടപടി സ്വീകരിക്കുന്നത് ശരിയെല്ലെന്നും അദ്ദേഹം പറഞ്ഞു.
Discussion about this post