ഡല്ഹി: ദേശീയ-സംസ്ഥാന പാതകളിലെ മദ്യശാലകള് അടച്ചു പൂട്ടണമെന്ന് സുപ്രീം കോടതി ഉത്തരവ്. 500 മീറ്റര് പരിധിയിലുള്ള എല്ലാ മദ്യശാലകളും ബിവറേജസ് ഔട്ട്ലറ്റുകളും പൂട്ടണം. നിലവില് ലൈസന്സുള്ളവര്ക്ക് മാര്ച്ച് 31 വരെ പ്രവര്ത്തിക്കാം. 2017 ഏപ്രില് ഒന്നുമുതല് പൂട്ടണമെന്നും സുപ്രീം കോടതി നിര്ദ്ദേശിച്ചു. പാതയോരങ്ങളിലെ മദ്യശാലകളുടെ പരസ്യങ്ങളും മാറ്റണം.
ചീഫ് ജസ്റ്റിസ് ടി.എസ് താക്കൂര് അധ്യക്ഷനായ ഡിവിഷന് ബഞ്ചിന്റേതാണ് ഉത്തരവ്. മദ്യശാലകള് കാരണം പ്രധാനപാതകളിലെ യാത്രക്കാര്ക്ക് തടസം നേരിടുന്നുവെന്ന് ചൂണ്ടിക്കാട്ടിയാണ് കോടതി ഉത്തരവ്. ഗതാഗതം തടസ്സപെടുന്നതിനും അപകടങ്ങള്ക്കും മദ്യശാലകളുടെ പ്രവര്ത്തനം കാരണമാകുന്നുവെന്നും കോടതി ഉത്തരവില് വ്യക്തമാക്കുന്നു.
ദേശീയപാതയോരങ്ങളില് നിന്ന് മദ്യശാലകള് മാറ്റിസ്ഥാപിക്കുന്നതോടെ ആളുകളുടെ ശ്രദ്ധയില് അവ പെടില്ല എന്ന വാദം ഉന്നയിച്ച് ഹൈക്കോടതി ഉത്തരവ് ചോദ്യം ചെയ്ത് സമര്പ്പിച്ച ഹര്ജിയിലാണ് സുപ്രീംകോടതിയുടെ ഉത്തരവ്
Discussion about this post