തിരുവനന്തപുരം : കോവിഡ് കാലത്ത് സൈബർ തട്ടിപ്പുകളിൽ വൻ വർധനവുണ്ടായിട്ടുണ്ടെന്ന് ദേശീയസുരക്ഷാ ഉപദേഷ്ടാവ് അജിത് ഡോവൽ. കേരള പോലീസ് സൈബർഡോം സംഘടിപ്പിച്ച കൊക്കൂൺ വെർച്വൽ കോൺഫറൻസിൽ സംസാരിക്കുമ്പോഴാണ് അദ്ദേഹം ഇക്കാര്യം വ്യക്തമാക്കിയത്. സർക്കാർ വെബ്സൈറ്റുകൾ, പെയ്മെന്റ് സൈറ്റുകൾ, ഉന്നതരുടെ അക്കൗണ്ടുകൾ എന്നിവ കേന്ദ്രീകരിച്ചാണ് കൂടുതൽ തട്ടിപ്പ് ശ്രമങ്ങൾ നടക്കുന്നതെന്ന് അജിത് ഡോവൽ വെളിപ്പെടുത്തി.
പി.എം കെയേഴ്സ് അക്കൗണ്ട് പ്രഖ്യാപിച്ച് മണിക്കൂറുകൾക്കുള്ളിൽ സമാന സൈറ്റുകളുണ്ടാക്കി പണം തട്ടാനുള്ള ശ്രമം നടന്നിരുന്നുവെന്നും തുടർന്ന് സൈബർ സുരക്ഷയുറപ്പാക്കാൻ വലിയ ശ്രമം വേണ്ടി വന്നെന്നും അദ്ദേഹം പറഞ്ഞു. രണ്ടു ദിവസം നീണ്ടുനിൽക്കുന്ന കൊക്കൂൺ കോൺഫറൻസിൽ നീതി ആയോഗ് സിഇഒ അമിതാഭ് കാന്ത്, ഇൻഫോസിസ് സഹസ്ഥാപകൻ ക്രിസ് ഗോപാലകൃഷ്ണൻ എന്നിവരും സംസാരിക്കും.
Discussion about this post