ന്യൂഡൽഹി : വൈൽഡ് ലൈഫ് ഫോട്ടോഗ്രാഫർ ഓഫ് ദി ഇയർ അവാർഡ് വാങ്ങുന്ന ആദ്യ ഇന്ത്യൻ വനിതയായി ഐശ്വര്യ ശ്രീധർ. ലണ്ടനിലെ നാച്ചുറൽ ഹിസ്റ്ററി മ്യൂസിയത്തിൽ ഒക്ടോബർ 13നാണ് അമ്പത്തിയാറാമത് വൈൽഡ് ലൈഫ് ഫോട്ടോഗ്രാഫർ ഓഫ് ദി ഇയർ അവാർഡ് പ്രഖ്യാപനം നടന്നത്.
എൺപതോളം രാജ്യങ്ങളിൽ നിന്നെത്തിയ അമ്പതിനായിരത്തോളം ചിത്രങ്ങളിൽ നിന്നും ഐശ്വര്യയുടെ ചിത്രം അവാർഡിനായി തിരഞ്ഞെടുക്കുകയായിരുന്നു. അകശേരു മൃഗവർഗങ്ങളുടെ വിഭാഗത്തിലെ ചിത്രത്തിനാണ് ഐശ്വര്യ ശ്രീധറിന് അവാർഡ് ലഭിച്ചിരിക്കുന്നത്. ‘ലൈറ്റ്സ് ഓഫ് പാഷൻ’ എന്ന് പേരിട്ടിരിക്കുന്ന ചിത്രമെടുത്തത് കാനോണിന്റെ ഡിഎസ്എൽആർ -ഇഒഎസ്-1ഡിഎക്സ് മാർക്ക് 11 ഉപയോഗിച്ചാണ് . ഇന്ത്യയിൽ വൈൽഡ് ലൈഫ് ഫോട്ടോഗ്രാഫർ ഓഫ് ദി ഇയർ അവാർഡ് വാങ്ങുന്ന ആദ്യത്തെ വനിതയാവാൻ കഴിഞ്ഞതിൽ തനിക്കു അത്യധികം സന്തോഷമുണ്ടെന്ന് ഐശ്വര്യ ട്വിറ്ററിൽ കുറിച്ചു.
പാലക്കാട് സ്വദേശിനിയായ ഐശ്വര്യ മുംബൈയിലാണ് താമസിക്കുന്നത്. മുംബൈ യൂണിവേഴ്സിയിൽ നിന്നും മാസ് മീഡിയയിൽ ബിരുദം നേടിയിട്ടുണ്ട്. വൈൽഡ് ലൈഫ് ഫോട്ടോഗ്രാഫർ, റൈറ്റർ, ഫിലിംമേക്കർ എന്നീ മേഖലകളിൽ പ്രശസ്തയാണ് ഐശ്വര്യ.
Discussion about this post