ശ്രീനഗര്: കോണ്ഗ്രസ് നേതൃത്വത്തെ ശക്തമായി വിമര്ശിച്ച് പാര്ട്ടിയിലെ തിരുത്തല് വാദികളുടെ കൂട്ടായ്മ. ഗുലാം നബി ആസാദിന്റെ സ്വീകരണ പരിപാടി ഹൈക്കമാണ്ടിനെതിരെയുള്ള ശക്തിപ്രകടനമായാണ് നടത്തിയത്. ”കോണ്ഗ്രസ് പാര്ട്ടി ദുര്ബലമാകുന്നത് നമ്മള് കണ്ടുകൊണ്ടിരിക്കുകയാണ്. അതുകൊണ്ടാണ് ഇവിടെ ഒത്തുകൂടിയത്. തങ്ങള് നേരത്തെയും ഒത്തുകൂടിയിരുന്നു. ഒരുമിച്ച് പാര്ട്ടിയെ ശക്തിപ്പെടുത്തണം .”മുതിര്ന്ന നേതാവ് കപില് സിബല് പറഞ്ഞു.
കപില് സിബലിന് പുറമെ കോണ്ഗ്രസ് നേതൃത്വത്തെ തിരുത്താന് ശ്രമിച്ച ആനന്ദ് ശര്മ്മ, മനീഷ് തിവാരി, ഭൂപീന്ദര് ഹൂഡ തുടങ്ങിയ നേതാക്കളും ജമ്മുകശ്മീരില് രണ്ടു ദിവസങ്ങിലായി നടക്കുന്ന പരിപാടികളില് പങ്കെടുക്കുന്നുണ്ട്. രാജ്യസഭാ കാലാവധി കഴിഞ്ഞെത്തിയ ഗുലാം നബി ആസാദിന് നല്കിയ സ്വീകരണത്തില് സംസാരിക്കവേ കപില് സിബല് വ്യക്തമാക്കി. ഗുലാം നബി ആസാദിന് വീണ്ടും രാജ്യസഭയില് അവസരം നല്കാത്തതിനെതിരെ സിബല് പാര്ട്ടിയെ രൂക്ഷമായി വിമര്ശിച്ചു.
‘ഗുലാം നബി ആസാദ് പരിചയ സമ്പന്നനായ പൈലറ്റാണ്. അദ്ദേഹത്തിന് എഞ്ചിനിലെ തകരാര് കണ്ടെത്താനും പരിഹാരം കാണാനും സാധിക്കും.രാജ്യത്തെ മുഴുവന് സംസ്ഥാനങ്ങളിലെയും കോണ്ഗ്രസിന്റെ അടിത്തറ അറിയുന്ന നേതാവാണ് അദ്ദേഹം.’
‘അദ്ദേഹത്തെ പാര്ലമെന്റില് നിന്ന് മോചിപ്പിക്കുകയാണെന്ന് അറിഞ്ഞപ്പോള് ഞങ്ങള്ക്ക് സങ്കടമുണ്ടായി. പാര്ലമെന്റില് നിന്ന് പോകാന് ഞങ്ങള് അദ്ദേഹത്തെ അനുവദിക്കുന്നില്ല. എന്തുകൊണ്ടാണ് കോണ്ഗ്രസ് അദ്ദേഹത്തിന്റെ അനുഭവം ഉപയോഗിക്കാത്തതെന്ന് എനിക്ക് മനസ്സിലാകുന്നില്ല’ കപില് സിബല് പ്രതികരിച്ചു.
Discussion about this post