തിരുവനന്തപുരം: ഓണത്തിനോടുബന്ധിച്ച് പത്ത് ദിവസങ്ങളില് മദ്യവില്പ്പനയിലുണ്ടായത് റെക്കോര്ഡ് നേട്ടമാണ് . 750 കോടി രൂപയുടെ മദ്യമാണ് വിറ്റത്. 70 ശതമാനം വില്പ്പന നടന്നത് ബെവ്കോ ഔട്ട്ലെറ്റുകളിലാണ്.30 ശതമാനം വില്പ്പന ബാറുകളിലാണ് നടന്നത്. 260 ഔട്ലെറ്റുകള് വഴിയായിരുന്നു ഇത്തവണത്തെ വില്പന. പ്രാദേശിക നിയന്ത്രണങ്ങളുള്ളതിനാല് അഞ്ചു ഔട്ട് ലെറ്റുകള് തുറന്നിരുന്നില്ല. ഏറ്റവും കൂടുതല് വിറ്റുപോയത് ബ്രാന്ഡിയാണ്.
ഉത്രാട ദിനത്തില് കൂടുതല് മദ്യം വിറ്റത് തലസ്ഥാനത്ത്. ഭരണ സിരാകേന്ദ്രമായ സെക്രട്ടേറിയറ്റിന് തൊട്ടടുത്തുള്ള പവര് ഹൗസ് റോഡിലെ ഔട്ട്ലെറ്റില് നിന്ന് ഉത്രാട ദിനം വിറ്റുപോയത് 1.04 കോടിയുടെ മദ്യമാണ്. ആദ്യമായാണ് ഒരു ഔട്ട്ലെറ്റില് നിന്ന് ഒരു കോടിയിലധികം രൂപയുടെ മദ്യം വില്ക്കുന്നത്. ഇരിങ്ങാലക്കുട ഔട്ലെറ്റില് നിന്നും വിറ്റത് 96 ലക്ഷത്തിന്റെ മദ്യമാണ്. ഉത്രാടത്തിന് മാത്രം 85 കോടിയുടെ മദ്യമാണ് സംസ്ഥാന വ്യാപകമായി വിറ്റഴിഞ്ഞത്.
തിരുവനന്തപുരം, കൊച്ചി, കോഴിക്കോട് എന്നിവിടങ്ങളില് നടന്ന ഓണ്ലൈന് മദ്യവില്പ്പനയില് 10 ലക്ഷം രൂപയ്ക്കടുത്താണ് വരുമാനം. തിരക്ക് കുറയ്ക്കാന് 181 അധിക കൗണ്ടറുകള് ബെവ്കോ തുറന്നിരുന്നു. ഹൈക്കോടതി നിര്ദ്ദേശത്തെ തുടര്ന്ന് കൊവിഡ് വാക്സിന് സര്ട്ടിഫിക്കറ്റുമായെത്തുന്നവര്ക്ക് മാത്രമായിരുന്നു മദ്യം നല്കിയിരുന്നത്. നിയന്ത്രണങ്ങള് കച്ചവടത്തെ ബാധിക്കാതിരിക്കാന് കോര്പ്പറേഷന് എടുത്ത മുന്കരുതലുകളാണ് കച്ചവടം കൂട്ടിയതെന്ന് ബെവ്കോ എംഡി യോഗേഷ് ഗുപ്ത പറയുന്നു.
Discussion about this post