കൊച്ചി: ആരോഗ്യപ്രവര്ത്തകര്ക്കെതിരെയുള്ള ആക്രമണത്തില് കര്ശന നിലപാടുമായി ഹൈക്കോടതി. ആരോഗ്യപ്രവര്ത്തകരെ ആക്രമിക്കുന്നവര്ക്കെതിരെ കര്ശന നടപടി സ്വീകരിക്കണമെന്ന് ഹൈക്കോടതി സര്ക്കാരിന് നിര്ദ്ദേശം നല്കി.
ആക്രമണങ്ങളില് എഫഐആര് രജിസ്റ്റര് ചെയ്യപ്പെടുന്നില്ലെന്ന് സ്വകാര്യആശുപത്രികള് കോടതിയെ അറിയിച്ചു. കൊവിഡ് ചികില്സാ നിരക്കുമായി ബന്ധപ്പെട്ടുള്ള കേസ് പരിഗണിക്കുമ്പോഴായിരുന്നു കോടതിയുടെ നിര്ദേശം നല്കിയത്.
ആരോഗ്യപ്രവര്ത്തകര്ക്കെതിരായ ആക്രമണ പരാതികളില് ഡിജിപി തന്നെ ഇടപെടണമെന്നും കോടതി ആവശ്യപ്പെടുകയും ചെയ്തു. ആരോഗ്യ പ്രവര്ത്തകരെ ആക്രമിക്കുന്നത് കേരളത്തില് ജാമ്യമില്ലാ കുറ്റമാണ്. മൂന്നുവര്ഷം തടവും 50000 രൂപ പിഴയുമാണ് ശിക്ഷ. പക്ഷേ പലപ്പോഴും ഇത്തരം കേസുകളിലെ പ്രതികള്ക്കെതിരെ കാര്യമായ നടപടിയുണ്ടാകുന്നില്ലെന്ന് ആക്ഷേപം വളരെ ശക്തമാണ്.
Discussion about this post