ഡൽഹി: ആകാശ് മിസൈലിന്റെ പരിഷ്കരിച്ച രൂപം ആകാശ് പ്രൈം പരീക്ഷണം വിജയകരമെന്ന് ഡി ആർ ഡി ഒ. ഒഡിഷയിലെ ചാന്ദിപൂരിൽ വെച്ചായിരുന്നു പരീക്ഷണം. കൃത്യത വർദ്ധിപ്പിക്കുന്നതിനായി റേഡിയോ ഫ്രീക്വൻസി തിരിച്ചറിയാനുള്ള സംവിധാനം ആകാശ് പ്രൈമിന്റെ പ്രധാന സവിശേഷതയാണ്.
ഉയരം കൂടിയ മേഖലകളിലെ താപനില കുറഞ്ഞ അന്തരീക്ഷത്തിലും ആകാശ് പ്രൈമിന് ലക്ഷ്യം ഭേദിക്കാൻ സാധിക്കും. മിസൈലിന്റെ ഗതിവേഗവും പ്രഹരശേഷിയും ഡി ആർ ഡി ഒ കൃത്യമായി രേഖപ്പെടുത്തി.
ആകാശ് പ്രൈം മിസൈൽ വിജയകരമായി പരീക്ഷിച്ച സാഹചര്യത്തിൽ ഡി ആർ ഡി ഒക്കും ഇന്ത്യൻ സൈന്യത്തിനും ഡി പി എസ് യുവിനും അഭിനന്ദനം അറിയിക്കുന്നതായി രാജ്യരക്ഷാ മന്ത്രി രാജ്നാഥ് സിംഗ് പറഞ്ഞു. ലോകോത്തര മിസൈൽ നിർമ്മാണ ശ്രേണിയിൽ ഡി ആർ ഡി ഒയുടെ സ്ഥാനം അതുല്യമാണെന്നതിന് തെളിവാണ് ആകാശ് പ്രൈമിന്റെ ഘടനയും രൂപകൽപ്പനയുമെന്ന് അദ്ദേഹം അഭിപ്രായപ്പെട്ടു.
Discussion about this post