യേശുവിനെ അനുകരിച്ച് വെള്ളത്തിന്റെ മുകളിലൂടെ നടക്കാന്‍ ശ്രമിച്ച വൈദികന് സംഭവിച്ചത് ദാരുണാന്ത്യം. വൈദികനെ മുതല പിടിച്ചു തിന്നുകയായിരുന്നു. ദക്ഷിണാഫ്രിക്കയിലാണ് സംഭവം. ലാസ്റ്റ് ഡേയ്‌സ് ചര്‍ച്ച് ഓഫ് ക്രൈസ്റ്റ് എന്ന സഭയിലെ ജോനാഥന്‍ ഇംതെത്വ എന്ന പാസ്റ്റര്‍ക്കാണ് ദാരുണാന്ത്യം.
ബൈബിളിലെ യേശുവിന്റെ പ്രവര്‍ത്തികള്‍ യഥാര്‍ത്ഥ വിശ്വാസികള്‍ക്കും പകര്‍ത്താം. ഇതാ ഞാനീ മുതലകളുള്ള തടാകത്തിന് മീതെ നടക്കുകയാണെന്നു പറഞ്ഞാണ് പാസ്റ്റര്‍ തടാകത്തിലിറങ്ങിയതെന്ന് ദൃക്‌സാക്ഷികള്‍ പറയുന്നു.
കഴിഞ്ഞ ഞായറാഴ്ച നടന്ന സംഭവം ഡയലി പോസ്റ്റാണ് റിപ്പോര്‍ട്ട് ചെയ്തത്. വെള്ളത്തിലേക്ക് കാലെടുത്തുവച്ച ഉടനെ അദ്ദേഹം താഴ്ന്നുപോയി. ഉടനെ തന്നെ പാഞ്ഞെത്തിയ മൂന്ന് മുതലകള്‍ അദ്ദേഹത്തെ ഭക്ഷിക്കുകയായിരുന്നു.
ഏതാനും നിമിഷങ്ങള്‍ക്കുള്ളില്‍ അവ അദ്ദേഹത്തെ ഇല്ലാതാക്കിയെന്നും ദൃക്‌സാക്ഷികള്‍ വ്യക്തമാക്കി. വിശ്വാസത്തിന്റെ ശക്തിയേപ്പറ്റി പാസ്റ്റര്‍ ആഴത്തില്‍ പഠിപ്പിച്ചിരുന്നുവെന്നും അത് നേരില്‍ കാണിച്ച് ബോധ്യപ്പെടുത്തിത്തരാം എന്നും അദ്ദേഹം പറഞ്ഞെന്നും വിശ്വാസികളിലൊരാളാ ഡെക്കോണ്‍ കോസി പറയുന്നു.
Discussion about this post