കോട്ടയം: ടി.പി.ചന്ദ്രശേഖരന് വധക്കേസിലെ പ്രതികളില് ഒരാളായ മുഹമ്മദ് ഷാഫിക്ക് വിവാഹ ആശംസ നേരാന് സിപിഎം എംഎല്എ എ.എന്.ഷംസീര് വീട്ടിലെത്തി. ഇന്ന് വൈകുന്നേരം നാലിന് ഗ്രാമതി ജുമാ മസ്ജിദിലാണ് ഷാഫിയുടെ വിവാഹം. തുടര്ന്ന് വൈകുന്നേരം നാല് മുതല് എട്ട് വരെ ഷാഫിയുടെ വീട്ടില് വിരുന്നും സംഘടിപ്പിച്ചിട്ടുണ്ട്. വിവാഹ ആശംസകള് അറിയിക്കാനായി ബുധാനാഴ്ച വൈകിട്ടാണ് ഷംസീര് വീട്ടിലെത്തിയത്.
ടി.പി ചന്ദ്രശേഖരന് വധക്കേസിലെ അഞ്ചാം പ്രതിയാണ് ചൊക്ലി പറമ്പത്ത് വീട്ടില് കെ.കെ.മുഹമ്മദ് ഷാഫി. കൊലപാതകത്തില് നേരിട്ട് പങ്കുണ്ടെന്ന് കണ്ടെത്തിയ ഏഴ് പ്രതികളില് ഒരാളുമാണ്. കേസില് ജീവപര്യന്തം തടവിനും അരലക്ഷം രൂപ പിഴയുമാണ് ഷാഫി ഉള്പ്പടെ ഏഴ് പ്രതികള്ക്ക് ലഭിച്ചത്. പിഴയടച്ചില്ലെങ്കില് ഒരു വര്ഷം കൂടി അധികം തടവ് അനുഭവിക്കേണ്ടിയും വരും. വിവാഹത്തിനായി ഷാഫിക്ക് പരോള് ലഭിച്ചിട്ടുണ്ട്.
ടി.പി വധക്കേസുമായി ബന്ധപ്പെട്ട് സിപിഎമ്മിന് ഒരു ബന്ധമില്ലെന്ന് നേതാക്കള് ആവര്ത്തിച്ച് പറയുമ്പോഴാണ് പാര്ട്ടി എംഎല്എ തന്നെ കേസിലെ മുഖ്യപ്രതികളില് ഒരാളുടെ വിവാഹത്തിന് എത്തിയത്.
ഇതിന്റെ ഫോട്ടോ സമൂഹമാധ്യമങ്ങളില് പ്രചരിച്ച് കൊണ്ടിരിക്കുകയാണ്. ചൊക്ലി രജിസ്ട്രാര് ഓഫീസിന് സമീപത്തുള്ള വീട്ടിലാണ് ഷംസീര് എത്തിയത്. പ്രതികളുമായി യാതൊരു ബന്ധവുമില്ലെന്നാണ് കേസിന്റെ തുടക്കം മുതല് സിപിഎം അവകാശപ്പെടുന്നത്.
ടി.പിയെ വധിക്കാന് ഗൂഢാലോചന നടത്തിയത് സിപിഎം കണ്ണൂര് ജില്ലാ നേതൃത്വമാണെന്നാണ് ആര്എംപിയുടെ ആരോപണത്തിനിടെ പാര്ട്ടി എംഎല്എ തന്നെ കേസിലെ പ്രതിയുടെ വിവാഹത്തില് പങ്കെടുത്തത് സിപിഎമ്മിന് തിരിച്ചടിയാകും.
Discussion about this post