കൊച്ചി: എഫ്ഐആര് രജിസ്റ്റര് ചെയ്യുന്നതില് സംസ്ഥാന പോലീസിനെതിരെ രൂക്ഷവിമര്ശനവുമായി ഹൈക്കോടതി. കോടതിയുടെ പരിഗണനയ്ക്ക് വന്ന രണ്ട് ജാമ്യ ഹര്ജികള് പരിഗണിക്കുന്നതിനിടെയാണ് പൊലീസിന് ഹൈക്കോടതി വിമര്ശം നേരിടേണ്ടി വന്നത്.
ബാബു ജോണ് എന്ന വ്യക്തിക്കെതിരെ ചങ്ങനാശ്ശേരി പോലീസ് എടുത്ത ഭവനഭദേന കേസിലേയും മറ്റൊരു കേസിലേയും ജാമ്യഹര്ജികള് പരിഗണിക്കുന്നതിനിടെയാണ് സംസ്ഥാന പോലീസിനെതിരെ ഹൈക്കോടതി ഗുരുതരമായ വിമര്ശനം ഉന്നയിച്ചിരിക്കുന്നത്.
മനോധര്മ്മം അനുസരിച്ചല്ല പോലീസ് കേസ് എടുക്കേണ്ടത്. അന്വേഷണ ഉദ്യോഗസ്ഥന് തോന്നുന്നതു പോലെ പ്രവര്ത്തിക്കരുത്, അനാവശ്യമായി പോലീസ് എഫ്ഐആര് രജിസ്റ്റര് ചെയ്യരുത്, ആവശ്യമില്ലാതെ കേസുകള് എടുത്താല് അതിനെതിരെ കടുത്ത നടപടി ഉണ്ടാവുമെന്നും കോടതി മുന്നറിയിപ്പ് നല്കി. ഓരോ കേസുകളിലും വകുപ്പുകള് ചുമത്തുമ്പോള് അതിന് ആവശ്യമായ തെളിവുകളും സാഹചര്യങ്ങളും ഉണ്ടാവണമെന്നും കോടതി നിര്ദ്ദേശിച്ചു.
സെന്കുമാറിന്റേത് ഉള്പ്പെടെയുള്ള കേസുകള് പരാമര്ശിച്ചാണ് പോലീസിനെതിരെ കോടതി വിമര്ശമുന്നയിച്ചത്. രണ്ട് ജാമ്യഹര്ജികളും പരിഗണിക്കുന്നതിനായി അടുത്ത ദിവസത്തേക്ക് മാറ്റിവച്ചു. ചങ്ങനാശ്ശേരി കേസില് അന്വേഷണ ഉദ്യോഗസ്ഥന്റെ റിപ്പോര്ട്ടും കോടതി ആവശ്യപ്പെട്ടിട്ടുണ്ട്.
Discussion about this post