ഹൈദരാബാദ്: മുന് പ്രധാനമന്ത്രി പി.വി നരസിംഹറാവുവിന്റെ ഓര്മ്മയ്ക്കായി ഡല്ഹിയില് സ്മാരകം നിര്മ്മിക്കാനുള്ള മോദി സര്ക്കാരിന്റെ തീരുമാനത്തില് സന്തോഷം പ്രകടിപ്പിച്ച് നരസിംഹറാവുവിന്റെ മകള് എസ് വാണി രംഗത്തെത്തി.
അച്ഛന് മരിച്ചതിന് ശേഷം ഹൈദരബാദില് നടന്ന അന്ത്യ ചടങ്ങുകളില് പങ്കെടുത്ത് മടങ്ങിയ കോണ്ഗ്രസ് നേതൃത്വം പിന്നീട് അദ്ദേഹത്തെ അവഗണിച്ചു. അദ്ദേഹത്തിനായി ഒരു സ്മാരകം നിര്മ്മിക്കണമെന്ന ആവശ്യം പോലും അവര് പരിഗണിച്ചില്ല. വാണി ആരോപിച്ചു.
‘ഞങ്ങള് ബ്രാഹ്മണകുടംുബത്തിലുള്ളവരാണ്. പിതാവ് മരിച്ചതിന് ശേഷം എന്ത് ചെയ്യണമെന്ന് പോലുമറിയില്ലായിരുന്നു. ഭൗതിക ശരീരം ഹൈദരാബാദിലേക്ക് കൊണ്ടു പോകാന് നിര്ബന്ധിച്ചത് കോണ്ഗ്രസിലെ മുതിര്ന്ന നേതാവ് ശിവരാജ് പാട്ടിലാണ്. ബാക്കി കാര്യങ്ങളെല്ലാം അദ്ദേഹം ചെയ്തു കൊള്ളാമെന്ന് ഉറപ്പ് നല്കുകയും ചെയ്തു. എന്നാല് പിതാവ് മരിച്ചിട്ട് ഇത്രയും വര്ഷമായിട്ടും യാതൊന്നും അവര് ചെയ്തില്ല. അദ്ദേഹത്തിന്റെ ഓര്മ്മയ്ക്കായി ഒരു പാട് കാര്യങ്ങള് ചെയ്യാമെന്ന് വൈഎസ്ആറും ഉറപ്പ് നല്കി. എന്നാല് ഒന്നും ചെയ്തില്ല. രാജ്യത്തിന്റെ ആവശ്യങ്ങള്ക്കായി പോരാടിയ നേതാവായിരുന്നു അദ്ദേഹം. സാമ്പത്തിക പരാതീനതകള്ക്കെതിരെയും രാജ്യത്തിന്റെ രോഗാതുരതയ്ക്കെതിരെയും അദ്ദേഹം പൊരുതി. രാജ്യത്തിന്റെ പ്രധാനമന്ത്രിയായി. എന്നാല് അദ്ദേഹത്തിന്റെ സ്വന്തം പാര്ട്ടി പോലും അദ്ദേഹത്തിന്റെ ഓര്മ്മകളോട് നീതി പുലര്ത്തിയില്ല.
ഇപ്പോള് മോദി നയിക്കുന്ന എന്ഡിഎ സര്ക്കാര് അദ്ദേഹത്തെ ആദരിക്കാന് തീരുമാനിച്ചിരിക്കുന്നു, അദ്ദേഹവുമായി അവര്ക്ക് യാതൊരു വ്യക്തി ബന്ധവുമില്ല, എന്നിട്ടും അദ്ദേഹത്തിന്റെ സേവനങ്ങളെ ആദരിക്കാന് തയ്യാറായി. വാണി പറഞ്ഞു.
ഡല്ഹിയില് സ്മാരകമില്ലാത്ത ഏക പ്രധാനമന്ത്രിയാണ് പിവി നരസിംഹ റാവു.
സര്ക്കാര് നിര്മ്മിക്കുന്ന സ്മാരകം സംബന്ധിച്ച് തനിക്കൊന്നുമറിയില്ലെന്നും ഡല്ഹിയിലെത്തി നിര്മ്മാണം സംബന്ധിച്ച കാര്യങ്ങള് അറിയാന് ശ്രമിക്കുമെന്നും വാണി പറഞ്ഞു. റാവുവിന് ബിജെപി നേതാവും മുന് പ്രധാനമന്ത്രിയുമായ എ.ബി വാജ്പേയിയോട് വലിയ ബഹുമാനമായിരുന്നെന്നും റാവുവിന്റെ ബിജെപിയുമായുള്ള അടുപ്പം സംബന്ധിച്ച ചോദ്യത്തിന് മറുപടിയായി വാണി വിശദീകരിച്ചു.
പിവി നരസിംഹരാവുവിന്റെ എട്ടാമത്തെ മകളാണ് ഹൈദരാബാദ് വിവേകാനന്ദ ഗ്രൂപ്പ് ഓഫ് സ്ക്കൂളിന്റെ മോധാവിയായ വാണി.
Discussion about this post