ഭോപ്പാല് : പദ്മാവതി രാഷ്ട്രമാതാവാണെന്നും ഭോപ്പാലില് പ്രതിമ സ്ഥാപിക്കുമെന്നും മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന് പ്രഖ്യാപിച്ചു. കൂടാതെ, മധ്യപ്രദേശ് സര്ക്കാര് സംസ്ഥാനതലത്തില് രാഷ്ട്രമാതാ പദ്മാവതി പുരസ്കാരം ഏര്പ്പെടുത്താനും തീരുമാനിച്ചു.
. രജപുത്ര നേതാക്കന്മാരും കര്ണിസേനയുടെ പ്രതിനിധികളുമായും ചൗഹാന് ചര്ച്ച നടത്തിയിരുന്നു. ചെറുപ്പംമുതല് രാജ്ഞിയുടെ ത്യാഗത്തിന്റെ കഥ നമ്മള് കേട്ടുവരുന്നുണ്ടെന്നു പറഞ്ഞ ചൗഹാന് ചരിത്രത്തെ വളച്ചൊടിക്കുന്നതു സഹിക്കില്ലെന്നും ഇത്തരം സീനുകള് മാറ്റിയാലേ ചിത്രം പ്രദര്ശിപ്പിക്കുന്നതിന് അനുവദിക്കൂയെന്നും യോഗത്തിനുശേഷം മാധ്യമങ്ങളെ അറിയിച്ചു.
അതേസമയം, പഞ്ചാബിലും ചിത്രം പ്രദര്ശിപ്പിക്കില്ലെന്നു മുഖ്യമന്ത്രി ക്യാപ്റ്റന് അമരീന്ദര് സിങ് അറിയിച്ചു. ചരിത്രത്തെ വളച്ചൊടിക്കുന്നതൊന്നും പ്രദര്ശിപ്പിക്കാന് അനുവദിക്കില്ല. അതിനെതിരെ പ്രതിഷേധിക്കുന്നവര് ശരിയാണു ചെയ്യുന്നതെന്നും സിങ് വ്യക്തമാക്കി. ജമ്മു കശ്മീരില് ചിത്രത്തെ വിലക്കണമെന്ന് ആവശ്യപ്പെട്ടു നാഷനല് കോണ്ഫറന്സ് മുഖ്യമന്ത്രി മെഹ്ബൂബ മുഫ്തിക്കു കത്തെഴുതി. സിനിമയുടെ കഥ പരിശോധിച്ചശേഷമേ റിലീസിന് അനുവദിക്കാവൂയെന്നും കത്തില് ആവശ്യപ്പെടുന്നുണ്ട്.
മാത്രമല്ല,
രാജസ്ഥാനില് സിനിമ വിതരണം ചെയ്യാന് ഡിസ്ട്രിബ്യൂട്ടര്മാര് വിസമ്മതിച്ചിരുന്നു.
അതിനിടെ, സിനിമയ്ക്ക് പിന്തുണയേകുന്ന നിലപാടുമായി ബംഗാള് മുഖ്യമന്ത്രി മമതാ ബാനര്ജി രംഗത്തെത്തി. പദ്മാവതി വിവാദങ്ങള് ആവിഷ്കാര സ്വാതന്ത്ര്യത്തെ ഒതുക്കാന് കൃത്യമായി നിര്മിച്ചതാണെന്നാണു മമതയുടെ ട്വീറ്റ്. അതിനിടെ, സിനിമയുടെ റിലീസ് നിരോധിക്കണമെന്ന ഹര്ജി സുപ്രീം കോടതി തള്ളി. സെന്സര് ബോര്ഡ് അവരുടെ പണി ചെയ്യട്ടെയെന്നും കോടതി വ്യക്തമാക്കി.
Discussion about this post