റിയാദ്: സൗദി അറേബ്യയില് സുരക്ഷാ വകുപ്പുകള് ഒരു മാസത്തിനിടെ തീവ്രവാദക്കേസുകളില് അറസ്റ്റ് ചെയ്തവരില് പത്ത് പേര് ഇന്ത്യക്കാര്. ഒരു മാസത്തിനിടെ 136 തീവ്രവാദികളെ അറസ്റ്റ് ചെയ്തതായി ആഭ്യന്തര മന്ത്രാലയ വക്താവ് മേജര് ജനറല് മന്സൂര് അല് തുര്ക്കി അറിയിച്ചു. ഇവരില്71 പേര് സ്വദേശികളും 52 പേര് യെമനികളുമാണ്.
തീവ്രവാദ കേസുകളുമായി ബന്ധപ്പെട്ട വിവിധ രാജ്യക്കാരായ 3,500 ലേറെ പേര് സൗദിയില് വിചാരണ തടവുകാരായി കഴിയുന്നുണ്ട്. കഴിഞ്ഞ മാസം 52 പേര് കൂടി പിടിയിലായതോടെ ഭീകര കേസുകളില്അറസ്റ്റിലായ യമനികളുടെ എണ്ണം 227 ആയി ഉയര്ന്നു. ആറു ഇറാഖ് പൗരന്മാരും 21 പലസ്തീനികളും തീവ്രവാദ കേസുകളില് കസ്റ്റഡിയിട്ടുണ്ട്. ആറു സിറിയക്കാരെയും രണ്ടു ഫലസ്തീനികളെയും കഴിഞ്ഞ മാസം സുരക്ഷാ വകുപ്പ് പിടികൂടി. ബംഗ്ലാദേശ്, പാക്കിസ്ഥാന്, ലെബനോന്, ഇറാഖ് എന്നീ രാജ്യങ്ങളില്നിന്നുള്ള ഓരോ തീവ്രവാദികള് രണ്ടാഴ്ചക്കിടെ പിടിയിലായി.
തീവ്രവാദികളെ സംബന്ധിച്ച് കഴിഞ്ഞ മാസം പൊതുജനങ്ങള് 33 രഹസ്യ വിവരങ്ങള്കൈമാറിയതായും റിപ്പോര്ട്ടിലുണ്ട്. ചില ഭീകരരെ അറസ്റ്റ് ചെയ്യുന്നതിന് രഹസ്യ വിവരങ്ങള്സഹായിച്ചു. റിയാദില്പട്രോള്പോലീസുകാരെ വെടിവെച്ചു കൊലപ്പെടുത്തിയ രണ്ടംഗ സംഘത്തില്ഒരാളെ പിടികൂടുന്നതിന് സഹായിച്ചത് സ്വദേശി പൗരനാണ്. സംഘത്തിലെ മറ്റൊരാളെ പിടികൂടാന്സഹായിക്കുന്നവര്ക്ക് ആഭ്യന്തര മന്ത്രാലയം പത്തു ലക്ഷം റിയാല്പാരിതോഷികം പ്രഖ്യാപിച്ചു. ഭീകര സംഘത്തെ കുറിച്ച് വിവരം നല്കുന്നവര്ക്ക് 50 ലക്ഷം റിയാലും ഭീകരാക്രമണം പരാജയപ്പെടുത്താന്സഹായിക്കുന്ന വിവരങ്ങള്കൈമാറുന്നവര്ക്ക് 70 ലക്ഷം റിയാലും പാരിതോഷികം നല്കുമെന്ന് ആഭ്യന്തര മന്ത്രാലയം അറിയിച്ചു.
Discussion about this post