ഫേസ്ബുക്ക്, ഉപഭോക്താക്കളുടെ സ്വകാര്യ വിവരം ചോര്‍ത്തുന്നുവെന്ന ആരോപണത്തില്‍ സര്‍ക്കാരിനോട് വിശദീകരണവുമായി ഫേസ്ബുക്ക് സ്ഥാപകന്‍ മാര്‍ക്ക് സക്കര്‍ബര്‍ഗ് രംഗത്ത് വന്നു. അരലക്ഷത്തോളം ഇന്ത്യന്‍ ഫേസ്ബുക്ക് ഉപഭോക്താക്കളുടെ സ്വകാര്യ വിവരം ഫേസ്ബുക്ക് വഴി ചോര്‍ന്നിട്ടുണ്ടെന്നാണ് സക്കര്‍ബര്‍ഗിന്റെ വിശദീകരണം.
‘ദിസ് ഈസ് യുവര്‍ ഡിജിറ്റല്‍ ലൈഫ്’ എന്ന ആപ്പ് വഴിയാണ് കാംബ്രിഡ്ജ് അനലിറ്റിക ഫേസ്ബുക്കില്‍ നിന്നും വിവരങ്ങള്‍ ചോര്‍ത്തിയതെന്ന് സക്കര്‍ബര്‍ഗ് പറഞ്ഞു. ഈ ആപ്പ് 335 ഇന്ത്യക്കാരായിരുന്നു ഉപയോഗിച്ചത്. ലോകത്തില്‍ മൊത്തം ഈ ആപ്പ് ഉപയോഗിച്ചവരുടെ എണ്ണത്തിന്റെ 0.1 ശതമാനമാണ് ഈ 335 പേര്‍. ഇവരുടെ ഫേസ്ബുക്ക് കൂട്ടുകാരായിട്ടുള്ള 5 ലക്ഷത്തോളം പേരുടെയും വിവരങ്ങള്‍ ചോര്‍ന്നിട്ടുണ്ട്. 0.22 ശതമാനം ഇന്ത്യന്‍ ഫേസ്ബുക്ക് ഉപഭോക്താക്കളുടെ വിവരങ്ങളാണ് ചോര്‍ന്നത്.
ചോര്‍ച്ച വിഷയത്തില്‍ ഫേസ്ബുക്കിന് ഐ.ടി മന്ത്രിയായ രവി പ്രസാദ് നോട്ടീസ് അയച്ചിരുന്നു. വേണമെങ്കില്‍ സക്കര്‍ബര്‍ഗിനെ ഇന്ത്യയിലെക്ക് കൊണ്ടുവരാന്‍ കഴിയുമെന്നും അദ്ദേഹം കൂട്ടിച്ചേര്‍ത്തിരുന്നു.
ഏറ്റവും കൂടുതല്‍ ഫേസ്ബുക്ക് ഉപഭോക്താക്കളുള്ളത് ഇന്ത്യയിലാണ്. ഉപഭോക്താക്കളുടെ സ്വകാര്യതയില്‍ കാര്യമായി മാറ്റങ്ങള്‍ വരുത്തിയിട്ടുണ്ട് ഫേസ്ബുക്ക്.
Discussion about this post