ബംഗാളില്‍ പഞ്ചായത്ത് തിരഞ്ഞെടുപ്പ് നടാക്കിനിരിക്കുന്ന സാഹചര്യത്തില്‍ നാമനിര്‍ദേശ പത്രിക സമര്‍പ്പിച്ച ബിജെപി നേതാവിന്റെ ആറ് മാസം ഗര്‍ഭിണിയായ ബന്ധുവിനെ പീഢിപ്പിച്ചു. സംഭവത്തിന് പിന്നില്‍ തൃണമൂല്‍ കോണ്‍ഗ്രസ് പ്രവര്‍ത്തകരാണെന്ന് ബി.ജെ.പി ആരോപിച്ചു.
നാമനിര്‍ദേശ പത്രിക പിന്‍വലിക്കാന്‍ തയാറാവാത്തതിനെത്തുടര്‍ന്ന് തൃണമൂല്‍ കോണ്‍ഗ്രസ് പ്രവര്‍ത്തകര്‍ ബി.ജെ.പി നേതാവിന്റെ ഭര്‍ത്താവിനെ തട്ടിക്കൊണ്ടുപോയിരുന്നു എന്നും ആരോപണമുണ്ട്. ഇതേത്തുടര്‍ന്ന് നാമനിര്‍ദേശ പത്രിക പിന്‍വലിക്കാന്‍ ആവശ്യപ്പെടുകയും ചെയ്തെന്നും പരാതിയില്‍ പറയുന്നു. ഇതിന് വഴങ്ങാത്തത് മൂലം കഴിഞ്ഞ ഞായറാഴ്ച അദ്ദേഹത്തെ മോചിപ്പിച്ചിരുന്നു.
ശേഷം ഞായറാഴ്ച പുലര്‍ച്ചെ രണ്ട് മണിയോടെ ഒരു സംഘം ആളുകള്‍ വീട്ടിലേക്ക് അതിക്രമിച്ച് കയറി പ്രായമായ അമ്മയെ ആക്രമിക്കുകയും ആറ് മാസം ഗര്‍ഭിണിയായ ഭര്‍തൃസഹോദരിയെ പീഢിപ്പിക്കുകയും ചെയ്തു എന്ന് പരാതിയില്‍ പറയുന്നു. ഇത് കൂടാതെ ആക്രമികള്‍ വീട്ടിലെ ആഭരണങ്ങളും, പണവും, വിലപ്പെട്ട മറ്റ് പല വസ്തുക്കളും എടുത്തുവെന്നും പരാതിയില്‍ പറയുന്നു.
ഈ ആരോപണം കള്ളമാണെന്നും സംഭവം നടന്നത് കുടുംബ വഴക്ക് മൂലമാണെന്നും തൃണമൂല്‍ കോണ്‍ഗ്രസ് വ്യക്തമാക്കി.
Discussion about this post