മുംബൈ: വാഹനാപകട കേസില് നടന് സല്മാന് ഖാന് ബോംബെ ഹൈക്കോടതി ജാമ്യം അനുവദിച്ചു. തടവു ശിക്ഷ നടപ്പാക്കുന്നത് കോടതി മരവിപ്പിച്ചു. അഞ്ചു വര്ത്തേക്കായിരുന്നു സല്മാന് സെഷന്സ് കോടതി ശിക്ഷ വിധിച്ചത്. സല്മാന് നല്കിയ അപ്പീലില് വിശദവാദം കോടതി പിന്നീട് കേള്ക്കും. അപ്പീലില് അന്തിമ തീരുമാനം ഏടുക്കുന്നത് വരെ ഹൈക്കോടതി നല്കിയ ജാമ്യം നിലനില്ക്കും. കോടതി ഇന്നു മുതല് അവധിയില് പ്രവേശിക്കുന്നതിനാല് വിശദവാദം ജൂണിലോ ജൂലൈയിലോ നടക്കാനാണ് സാധ്യത.
ഇതിനിടെ സല്മാന് അതിവേഗം ഇടക്കാലജാമ്യം അനുവദിച്ച ഹൈകോടതി ഉത്തരവിനെതിരെ മുംബൈയിലെ രണ്ട് അഭിഭാഷകര് സുപ്രീംകോടതിയെ സമീപിച്ചിരുന്നു. അശ്രദ്ധമൂലം വാഹനാപകടമുണ്ടാക്കിയ കുറ്റത്തിന് സല്മാനെതിരെ നടന്ന വിചാരണയില് ഇടപെടുകയും മനപൂര്വമല്ലാത്ത നരഹത്യാക്കുറ്റം ചുമത്തി വിചാരണ സെഷന്സ് കോടതിയിലത്തെിക്കുകയും ചെയ്തതില് പ്രധാന പങ്കുവഹിച്ച മനുഷ്യാവകാശ അഭിഭാഷക അഭാ സിങ്ങാണ് സുപ്രീംകോടതിയെ സമീപിച്ചവരില് ഒരാള്. എം.എന്.എസ് നേതാവും അഭിഭാഷകനുമായ അഖിലേഷ് ചൗബെയാണ്് സ്പെഷല് ലീവ് ആപഌക്കേഷനുമായി സുപ്രീംകോടതിയെ സമീപിച്ച മറ്റൊരാള്. അഭിഭാഷകന് വി. മിശ്രവഴി സമര്പ്പിച്ച ഹരജിയില് ചീഫ് ജസ്റ്റിസ് എച്ച്.എല്. ദത്തുവിന്റെ ബെഞ്ചാണ് വാദം കേള്ക്കുന്നത്. വിശദ വാദം കേള്ക്കാതെ സല്മാന് നല്കിയ ജാമ്യം റദ്ദാക്കണമെന്നാവശ്യപ്പെട്ടാണ് ഹരജി. സല്മാന് ഏതുവിധമാണൊ ഹൈകോടതി ജാമ്യം നല്കിയത് അത് സാധാരണക്കാരനും ലഭിക്കുംവിധം നിബന്ധനകള് കൊണ്ടുവരണമെന്ന വാദമാണ് അഖിലേഷ് ചൗബെയുടെ ഹരജിയിലെ കാതലായഭാഗം.
Discussion about this post