പ്രളയം മൂലം ദുരിതമനുഭവിക്കുന്ന കേരളത്തിന് സഹായമായി കല്യാണ്‍ സില്ക്സ് രണ്ട് കോടി രൂപ കൂടി നല്‍കി. മുഖ്യമന്ത്രിയുടെ ദുരിതാശ്വാസ നിധിയിലേക്കാണ് സംഭാവന നല്‍കിയത്. കല്യാണ്‍ സില്ക്സ് ചെയര്‍മാന്‍ ആന്‍ഡ് മാനേജിംഗ് ഡയറക്ടര്‍ ടി.എസ് പട്ടാഭിരാമനാണ് ചെക്ക് കൈമാറിയത്. ഡയറക്ടര്‍മാരായ പ്രകാശ് പട്ടാഭിരാമന്‍, മഹേഷ് പട്ടാഭിരാമന്‍ എന്നിവര്‍ കൂടെയുണ്ടായിരുന്നു.
ഇതിന് മുമ്പ് ഓഗസ്റ്റ് ആദ്യ വാരത്തില്‍ 40 ലക്ഷം രൂപ കല്യാണ്‍ സില്ക്സ് ദുരിതാശ്വാസ നിധിയിലേക്ക് നല്‍കിയിരുന്നു. ഇത് ദേശത്തിനോടുള്ള കടമയാണെന്ന് പട്ടാഭിരാമന്‍ വ്യക്തമാക്കി. മറ്റുള്ളവര്‍ക്ക് ഈ പ്രവൃത്തി ഒരു പ്രചോദനമാകുമെന്നും അദ്ദേഹം പറഞ്ഞു.
Discussion about this post