നാഗോണ്: അസാമില് പ്രായപൂര്ത്തിയാകാത്ത പെണ്കുട്ടിയെ കൂട്ടബലാത്സംഗം ചെയ്ത് തീവച്ച് കൊലപ്പെടുത്തിയ സംഭവത്തില് മുഖ്യപ്രതി സക്കീര് ഹുസൈന് വധശിക്ഷ. മാര്ച്ച് 23ന് ദനിയാഭേടി ലാലുങ് ഗാവിലെ വീട്ടില് തനിച്ചായിരുന്ന അഞ്ചാം ക്ലാസ് വിദ്യാര്ഥിനിയെയാണ് ഒരു സംഘം കൂട്ടബലാത്സംഗം ചെയ്ത ശേഷം തീ വച്ചു കൊലപ്പെടുത്തിയത്. കേസില് മുഖ്യപ്രതിയായ പത്തൊന്പതുകാരനാണ് കോടതി വധശിക്ഷ വിധിച്ചത്.
സക്കീര് ഹുസൈനു ജീവപര്യന്തം ശിക്ഷയും വിധിച്ചിട്ടുണ്ടു. അഞ്ചു പ്രതികളെ തെളിവുകളുടെ അഭാവത്തില് വിട്ടയച്ചു. നഗോണ് ഡിസ്ട്രിക്ട് ആന്ഡ് സെഷന്സ് കോടതിയാണു പോക്സോ നിയമപ്രകാരം ശിക്ഷ വിധിച്ചത്.
പ്രായപൂര്ത്തിയാകാത്ത മറ്റു രണ്ടു പ്രതികള്ക്കു ജുവനൈല് കോടതി ഈയാഴ്ച ആദ്യം 3 വര്ഷംവീതം തടവു വിധിച്ചിരുന്നു.ആക്രമണത്തില് ഗുരുതര പൊള്ളലേറ്റ് പെണ്കുട്ടിയെ ആശുപത്രിയില് എത്തിച്ചെങ്കിലും പിറ്റേന്നു തന്നെ മരണപ്പെട്ടു. രാജ്യത്തെ തന്നെ നടുക്കിയ കേസില് അസമില് വ്യാപക പ്രതിഷേധം ഉയര്ന്നിരുന്നു.ൃകേസില് ഏപ്രില് 28നാണ് കുറ്റപത്രം സമര്പ്പിച്ചത്. വിചാരണ വേഗത്തില് പൂര്ത്തിയാക്കുകയായിരുന്നു.
Discussion about this post