മലപ്പുറം: പാസ്‌പോര്‍ട്ടില്‍ വന്ന ചെറിയ തെറ്റുകള്‍ തിരുത്താന്‍ ഇനി പത്രത്തില്‍ പരസ്യം നല്‍കേണ്ടതില്ല. പേരിലോ വീട്ടുപേരിലോ തിരുത്തല്‍ വരുത്താന്‍ ഇനി പത്രപ്പരസ്യം വേണ്ട. ചെറിയ തെറ്റുകള്‍ക്കുപോലും പരസ്യം നിര്‍ബന്ധമാണെന്ന നിയമത്തില്‍ ഇളവു വരുത്താന്‍ ചീഫ് പാസ്‌പോര്‍ട്ട് ഓഫിസര്‍ നിര്‍ദേശം നല്‍കി.
നേരത്തെ അക്ഷരത്തെറ്റ് തിരുത്തണമെങ്കില്‍ അപേക്ഷ നല്‍കുന്നതിനു മുന്‍പായി അതതു ജില്ലകളിലെ രണ്ടു പ്രമുഖ പത്രങ്ങളില്‍ പരസ്യം ചെയ്യണമെന്നായിരുന്നു വ്യവസ്ഥ.
ഭാര്യയുടെ പേരിനുശേഷം ഭര്‍ത്താവിന്റെ പേരു ചേര്‍ക്കുക, കുട്ടിയുടെ പേരിനൊപ്പം പിതാവിന്റെ പേരു ചേര്‍ക്കുക തുടങ്ങിയ രീതിയിലുള്ള തിരുത്തലുകള്‍ വരുത്താനും ഇനി മുതല്‍ പരസ്യം ആവശ്യമില്ല. അതേസമയം രേഖകളുടെ അഭാവത്തിലോ അപേക്ഷകരുടെ ഉദ്ദേശ്യത്തെപ്പറ്റി സംശയം തോന്നുമ്പോഴോ പരസ്യം വേണ്ടി വരുമെന്ന് പാസ്‌പോര്‍ട്ട് ഓഫിസര്‍ അറിയിച്ചു.
Discussion about this post