കോണ്ഗ്രസ് അധികാരത്തില്‍ വന്നാല്‍ മുത്തലാഖ് നിയമം റദ്ദു ചെയ്യുമെന്ന മഹിളാ കോണ്ഗ്രസ് നേതാവിന്റെ പ്രഖ്യാപനത്തിനെതിരെ കേന്ദ്രമന്ത്രി അരുണ്‍ ജെയ്റ്റ്ലി രംഗത്തെത്തി . ഷാ ബാനു കേസിലെ സുപ്രീംക്കോടതി വിധി അട്ടിമറിച്ച പാര്‍ട്ടി 32 വര്‍ഷത്തിനു ശേഷം മുസ്ലീം സ്ത്രീകളുടെ ജീവിതം വീണ്ടും ദുരിതത്തിലേക്കാനുള്ള മറ്റൊരു നടപടിയ്ക്ക് ഒരുങ്ങുകയാണെന്ന് അദ്ദേഹം ആരോപിച്ചു .
ഷാ ബാനു കേസില്‍ സ്ത്രീകള്‍ക്ക് ജീവനാംശം ഉറപ്പാക്കുന്ന സുപ്രീംക്കോടതിബില്‍ അട്ടിമറിച്ച പ്രധാനമന്ത്രി രാജീവ് ഗാന്ധി വലിയ തെറ്റാണ് ചെയ്തത്. ഉപേക്ഷിക്കപ്പെടുന്ന സ്ത്രീകള്‍ ദാരിദ്രത്തിലേക്കും ദുരിതത്തിലേക്കും തള്ളിയിടപ്പെടാന്‍ അത് ഇടയാക്കി . ചരിത്രം ആവര്‍ത്തിക്കപ്പെടുകയാണ് . അദ്ധേഹത്തിന്റെ മകന്‍ മറ്റൊരു നടപടിയ്ക്ക് ഒരുങ്ങുകയാണെന്നും ജെയ്റ്റ്ലി കുറ്റപ്പെടുത്തി .
രാഷ്ട്രീയ അവസരവാദികള്‍ക്ക് തൊട്ടടുത്ത ദിവസത്തെ വാര്‍ത്തകളുടെ തലക്കെട്ട് മാത്രമാണ് പ്രധാനം . വോട്ടുകള്‍ പ്രധാനമാണ് എന്നാല്‍ രാഷ്ട്ര പുനര്‍ നിര്‍മാണത്തിന് ശ്രമിക്കുന്നവര്‍ അടുത്ത നൂറ്റാണ്ടിലേക്ക് നോക്കിയാണ് പ്രവര്‍ത്തിക്കുന്നതെന്നും അദ്ദേഹം പറഞ്ഞു .
കോണ്ഗ്രസ് അധികാരത്തില്‍ വന്നാല്‍ മുത്തലാഖ് ബില്‍ റദ്ദാക്കുമെന്ന മഹിളാ കോണ്ഗ്രസ് അധ്യക്ഷ സുഷ്മിത ദേവിന്റെ പ്രഖ്യാപനത്തിന് പിന്നാലെയാണ് കേന്ദ്രമന്ത്രിയുടെ പ്രതികരണം.
Discussion about this post