ദേവീകുളം സബ്കളക്ടര്‍ രേണുരാജിനെതിരെ രൂക്ഷമായ ഭാഷയില്‍ സംസാരിച്ച സി.പി.എം എം.എല്‍.എ എസ്.രാജേന്ദ്രനെതിരെ വിമര്‍ശനവുമായി സി.പി.ഐ ഇടുക്കി ജില്ലാ സെക്രട്ടറി. എം.എല്‍.എയുടം പദവിക്ക് യോജിക്കാത്ത വാക്കുകളാണ് രാജേന്ദ്രന്‍ ഉപയോഗിച്ചതെന്ന് ജില്ലാ സെക്രട്ടറി കെ.കെ.ശിവരാമന്‍ അഭിപ്രായപ്പെട്ടു. അനധികൃത നിര്‍മ്മാണത്തിന് കൂട്ടുനില്‍ക്കുന്ന രാജേന്ദ്രന്റെ നിലപാട് അംഗീകരിക്കാനാവില്ലെന്നും അദ്ദേഹം പറഞ്ഞു.
പഴയ മൂന്നാറില്‍ മുതിരപ്പുഴയാറിന് സമീപത്ത് പഞ്ചായത്ത് നിര്‍മ്മിക്കുന്ന കെട്ടിടം അനധികൃതമായി നിര്‍മ്മിക്കപ്പെടുന്നുവെന്ന് ചൂണ്ടിക്കാട്ടി സബ് കളക്ടര്‍ രേണുരാജ് രംഗത്തെത്തിയിരുന്നു. കെട്ടിടത്തിന് എന്‍.ഒ.സി ഇല്ലാത്തതുകൊണ്ട് നിര്‍മ്മാണം നിര്‍ത്തിവെക്കാന്‍ റവന്യു വകുപ്പ് സ്റ്റോപ്പ് മെമൊ നല്‍കിയിരുന്നു. സ്റ്റോപ്പ് മെമൊ നല്‍കിയിട്ടും നിര്‍മ്മാണം നിര്‍ത്തി വെച്ചില്ല.
കളക്ടര്‍ക്ക് ബുദ്ധിയും ബോധവുമില്ലെന്നാണ് എസ്.രാജേന്ദ്രന്‍ പറഞ്ഞത്. പഞ്ചായത്തിന്റെ അധീനതയിലുള്ള സ്ഥലത്ത് നിര്‍മ്മാം നടത്തുന്നതിന്റെ ഉത്തരവാദിത്വം പഞ്ചായത്തിനാണെന്ന് രാജേന്ദ്രന്‍ പറഞ്ഞു. ഐ.എ.എസ് കിട്ടിയെന്ന് പറഞ്ഞ് അവള്‍ ഇതെല്ലാം വായിച്ചു പഠിക്കണമെന്നും എസ്.രാജേന്ദ്രന്‍ പറഞ്ഞു.
Discussion about this post