ലോക്‌സഭാ തെരഞ്ഞെടുപ്പ് മുന്നോടിയായി ബിജെപി സംസ്ഥാന ജനറല്‍ സെക്രട്ടറിമാര്‍ നയിക്കുന്ന നാല് മേഖലാ ജാഥകള്‍ക്ക് ഇന്ന് തുടക്കമാകും. ജനറല്‍ സെക്രട്ടറിമാരായ എംടി രമേശ്, ശോഭാ സുരേന്ദ്രന്‍, എഎന്‍ രാധാകൃഷ്ണന്‍, കെ സുരേന്ദ്രന്‍ എന്നിവരാണ് മേഖലാ ജാഥകള്‍ നയിക്കുന്നത്. ‘കേരളവും മോദിയോടൊപ്പം – വീണ്ടും വേണം മോദി ഭരണം ‘ എന്ന മുദ്രാവാക്യവുമായാണ് മേഖലാ ജാഥകള്‍ക്ക് തുടക്കമാകുന്നത്.
എ എന്‍ രാധാകൃഷ്ണന്‍ നയിക്കുന്ന എറണാകുളം മേഖലാ ജാഥയുടെ ഉദ്ഘാടനം കൊടുങ്ങല്ലൂരില്‍ വൈകീട്ട് സ്മൃതി ഇറാനിയും ഒ രാജഗോപാലും ചേര്‍ന്ന് നിര്‍വ്വഹിക്കും. കെ സുരേന്ദ്രന്‍ നയിക്കുന്ന തിരുവനന്തപുരം മേഖലാ ജാഥ കാഞ്ഞിരപ്പള്ളിയില്‍ സംസ്ഥാന പ്രസിഡന്റ് പി എസ് ശ്രീധരന്‍ പിള്ള ഫ്‌ലാഗ് ഓഫ് ചെയ്യും. ശോഭാ സുരേന്ദ്രന്റെ പാലക്കാട് മേഖലാ ജാഥ ഗുരുവായൂരില്‍ പി കെ കൃഷ്ണദാസും എം ടി രമേശിന്റെ കോഴിക്കോട് മേഖലാ ജാഥ കാസര്‍കോട് സി കെ പത്മനാഭനും ഫ്‌ലാഗ് ഓഫ് ചെയ്യും. മാര്‍ച്ച് പത്തിനാണ് സമ്പര്‍ക്ക യാത്രകളുടെ സമാപനം.
രാജ്‌നാഥ് സിംഗ്, സുഷമ സ്വരാജ്, സദാനന്ദഗൗഡ എന്നീ കേന്ദ്ര നേതാക്കളെ കേരളത്തില്‍ എത്തിച്ചുള്ള പ്രചാരണ പരിപാടികള്‍ക്കും തുടക്കമാകും.
Discussion about this post