കോഴിക്കോട്: വയനാട് മണ്ഡലത്തില് യുഡിഎഫ് സ്ഥാനാര്ത്ഥിയായി രാഹുല് ഗാന്ധി ഇന്ന് നാമനിര്ദ്ദേശ പത്രിക സമര്പ്പിക്കും. പതിനൊന്ന് മണിക്കാണ് ജില്ലാ കളക്ടര് മുന്പാകെ പത്രിക സമര്പ്പിക്കുന്നത്. തുടര്ന്ന് റോഡ് ഷോയും ഉണ്ടാകും
രാഹുല്ഗാന്ധി കോഴിക്കോട് ഗസ്റ്റ് ഹൗസില് നിന്ന് ഒന്പത് മണിയോടെ വയനാട്ടിലേക്ക് തിരിക്കും. ഹെലികോപ്റ്റര് മാര്ഗമാകും കല്പറ്റയിലേക്ക് പോകുക. പ്രിയങ്ക ഗാന്ധിയും രാഹുലിനൊപ്പമുണ്ട്. ഇന്നലെ രാത്രി കോഴിക്കോട് ഗസ്റ്റ് ഹൗസിലെത്തിയ രാഹുല്ഗാന്ധിയും, പ്രിയങ്ക ഗാന്ധിയും ഉമ്മന്ചാണ്ടി, ചെന്നിത്തല, മുല്ലപ്പള്ളി എന്നിവരുമായി കൂടിയാലോചനകള് നടത്തിയിരുന്നു. കരിപ്പൂര് വിമാനത്താവളത്തിലും, കോഴിക്കോട് ഗസ്റ്റ് ഹൗസിലുമായിപ്രവര്ത്തകര് രാഹുലിനെയും, പ്രിയങ്കയേയും സ്വീകരിച്ചു.
കോണ്ഗ്രസ് പ്രവര്ത്തകരെ പരമാവധി അണി നിരത്തി റോഡ് ഷോ ആവേശത്തിലാക്കാനാണ് കോണ്ഗ്രസ് തീരുമാനം. എന്നാല് റോഡിനിരുവശവും സുരക്ഷ കണക്കിലെടുത്ത് പൊലീസ് ബാരിക്കേഡ് ഉണ്ടാകും.
Discussion about this post