ശ്വാസകോശ സംബന്ധമായ അസുഖങ്ങളെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയില് കഴിയുന്ന കേരള കോണ്ഗ്രസ് ചെയര്മാന് കെ.എം.മാണിയുടെ ആരോഗ്യ നില അതീവ ഗുരുതരം. പുതിയ മെഡിക്കല് ബുള്ളറ്റിനിലാണ് ഇക്കാര്യം വ്യക്തമാക്കുന്നത്.രാവിലെ സ്ഥിതി മെച്ചപ്പെട്ടെങ്കിലും ഉച്ചയ്ക്കു മൂന്ന് മണിയ്ക്ക് ശേഷം ഗുരുതരമായതായി ആശുപത്രി വൃത്തങ്ങള് അറിയിച്ചു. ഹൃദയമിടിപ്പും, രക്ത സമ്മര്ദ്ദവും കുറഞ്ഞു. അതേസമയം വൃക്കകളുടെ പ്രവര്ത്തനം തകരാറിലായതിനാല് ഡയാലിസിസ് തുടരുമെന്നും ഡോക്ടര്മാര് പറഞ്ഞു.
ശ്വാസകോശ സംബന്ധമായ അസുഖത്തെ തുടര്ന്ന് ഒന്നര മാസം മുന്പാണ് കെ.എം.മാണിയെ സ്വകാര്യ ആശുപത്രിയില് പ്രവേശിപ്പിച്ചത്. അണുബാധയുണ്ടാകാതിരിക്കാന് സന്ദര്കര്ക്ക് നിയന്ത്രണം ഏര്പ്പെടുത്തിയിട്ടുണ്ട്. ട്യൂബ് വഴിയാണ് നിലവില് ഭക്ഷണം നല്കുന്നത്. വിദഗ്ധ ഡോക്ടര്മാരുടെ നേതൃത്വത്തിലുള്ള മെഡിക്കല് സംഘമാണ് അദ്ദേഹത്തെ ചികിത്സിക്കുന്നത്.
Discussion about this post