കണ്ണൂരില് വീണ്ടും മാവോയിസ്റ്റ് പോസ്റ്റര് പ്രത്യക്ഷപ്പെട്ടു.പേരാവൂരിലെ വാടകക്കെട്ടിടത്തില് തെരഞ്ഞെടുപ്പ് ബഹിഷ്കരിക്കാന് ആഹ്വാനം ചെയ്ത് മാവോയിസ്റ്റുകള് എഴുതിയതെന്ന് കരുതപ്പെടുന്ന പോസ്റ്ററുകള് പ്രത്യക്ഷപ്പെട്ടത് എന്നീ മുദ്രാവാക്യങ്ങളാണ് പോസ്റ്ററുകളിലുള്ളത്.
നേരത്തേ വയനാട്ടിലും തെരഞ്ഞെടുപ്പ് ബഹിഷ്കരിക്കാനാഹ്വാനം ചെയ്ത് മാവോയിസ്റ്റുകളുടെ പേരില് പോസ്റ്ററുകള് പ്രത്യക്ഷപ്പെട്ടിരുന്നു. ഇതേ തുടര്ന്ന് മാവോയിസ്റ്റ് മേഖലകളില് പൊലീസ് നിരീക്ഷണം ശക്തമാക്കി.
വയനാട്ടിലെയും നിലമ്പൂരിലെയും ആദിവാസികളോട് വോട്ട് ബഹിഷ്കരിക്കാന് മാവോയിസ്റ്റുകള് ആഹ്വാനം ചെയ്യുന്ന കത്തിന്റെ പകര്പ്പ് നിലമ്പൂര് പ്രസ് ക്ലബ്ബിലെത്തിയിരുന്നു. ആദിവാസികളെ മര്ദ്ദിച്ച് ഭരിക്കുന്ന ഇന്ത്യന് ജനാധിപത്യ വ്യവസ്ഥയെ എന്തിന് താങ്ങിനിര്ത്തണമെന്നാണ് കത്തില് ചോദിക്കുന്നത്. പകരം രണോത്സുക പോരാട്ടത്തിന് ഇറങ്ങണമെന്ന അഭ്യര്ത്ഥനയും കത്തിലുണ്ട്. നാടുകാണി ഏരിയാ സമിതി വക്താവ് അജിതയുടെ പേരിലാണ് കത്ത് വന്നത്.
അത് സമയം വയനാട്ടിലെ എല്ഡിഎഫ്-എന്ഡിഎ സ്ഥാനാര്ത്ഥികള്ക്ക് മാവോയിസ്റ്റ് ഭീഷണിയെ തുടര്ന്ന് കനത്ത സുരക്ഷ ഏര്പ്പെടുത്തിയിരിക്കുകയാണ്.സ്ഥാനാര്ത്ഥി്കളെ തട്ടിക്കൊണ്ടു പോകാനോ പ്രചാരണ സ്ഥലത്ത് മാവോയിസ്റ്റ് ആക്രമണം നടക്കാനോ സാധ്യതയുണ്ടെന്നാണ് ഇന്റലിജന്സ് വകുപ്പ് മുന്നറിയിയിപ്പ് നല്കിയിട്ടുണ്ട്
Discussion about this post