അന്ധനായ ലോട്ടറി വില്‍പനക്കാരനെ പറ്റിച്ച് ലോട്ടറി തട്ടിയെടുത്തയാള്‍ പൊലീസ് പിടിയില്‍.എറണാകുളം സ്വദേശി സുനിലാണ് പോലീസ് പിടിയിലായത്.അന്ധനായ ലോട്ടറി വില്‍പനക്കാരനെ സമീപിച്ച സുനില്‍ ലോട്ടറികള്‍ നോക്കാനെന്ന മട്ടില്‍ വാങ്ങിയ ശേഷം കടന്നുകളയുകയായിരുന്നു. വെള്ളിയാഴ്ച്ച ഉച്ചയ്ക്ക് തമ്പാനൂരിലെ കെഎസ്ആര്‍ടിസി സെന്‍ട്രല്‍ സ്റ്റാന്‍ഡിലായിരുന്നു സംഭവം
ലോട്ടറി നഷ്ടമായ വില്‍പനക്കാരന്‍ തമ്പാനൂര്‍ പൊലീസ് സ്റ്റേഷനില്‍ പരാതി നല്‍കിയി. തുടര്‍ന്ന് സെന്‍ട്രല്‍ സ്റ്റാന്‍ഡിലെ സിസിടിവി ദൃശ്യങ്ങള്‍ പരിശോധിച്ച പൊലീസ് മോഷണം കണ്ടെത്തുകയും അത് പുറത്തു വിട്ടുകയും ചെയ്തു. ഇത് ഇന്നലെ തന്നെ സോഷ്യല്‍ മീഡിയയില്‍ വൈറലായി.
ഒടുവില്‍ രാത്രിയോടെ തിരുവനന്തപുരത്തെ ആര്‍പിഎഫ് സ്റ്റേഷന് സമീപം ഒളിച്ചിരിക്കുന്ന നിലയില്‍ ഇയാളെ റെയില്‍വേ പൊലീസ് പിടികൂടുകയായിരുന്നു.
സുനില്‍ സ്ഥിരമായി ട്രെയിനുകളില്‍ മോഷണം നടത്തുന്ന ആളാണെന്നും നിരവധി കേസുകളില്‍ പ്രതിയാണെന്നും പൊലീസ് അറിയിച്ചു. ഇയാളെ പൊലീസ് ചോദ്യം ചെയ്യുകയാണ്.
Discussion about this post