കർണ്ണാടകയിൽ കോൺഗ്രസ് -ജെ.ഡി.എസ് സഖ്യം വിശ്വാസ വോട്ടടെടുപ്പിൽ പരാജയപ്പെട്ടതിനെ തുടർന്ന് സംസ്ഥാന ബി.ജെ.പി പ്രസിഡന്റ് യെദ്യൂരപ്പ അമിത് ഷായ്ക്ക് നന്ദി അറിയിച്ച് കത്തെഴുതി. പിന്തുണ തുടരുന്നതിന് നന്ദി അറിയിച്ചു കൊണ്ടാണ് കത്ത്.
നിങ്ങൾ ഞങ്ങൾക്ക് തന്ന പിന്തുണയ്ക്ക് ഹൃദയം നിറഞ്ഞ നന്ദി. പാർട്ടിയിലെ എല്ലാ നേതാക്കളോടും ഞങ്ങൾ നന്ദി അറിയിക്കുന്നു. കുമാരസ്വാമി സർക്കാരിനെ പരാജയപ്പെടുത്തി നമ്മുടെ പാർട്ടി സർക്കാർ രൂപികരിക്കാൻ പോകുന്നത് എനിക്ക് വളരെ അധികം ഉത്തേജനവും മുന്നോട്ടുളള യാത്രയ്ക്ക് ആത്മവിശ്വാസവും നേടി തന്നു.
105 പേർ നമുക്കൊപ്പം ഉറച്ചു നിന്നു. വിവിധ രാഷ്ട്രീയ കാരണങ്ങൾ കൊണ്ട് രണ്ടാഴ്ച ഞങ്ങൾക്ക് പരീക്ഷണ സമയമായിരുന്നു. എന്നാൽ എല്ലാം മറികടക്കാൻ സാധിച്ചു.ആത്മിവിശ്വാസം കൊണ്ട് ആപത് ഘട്ടത്തെ മറികടന്നു.
പാർട്ടി അംഗങ്ങളും ജനങ്ങളും ജെ.ഡി.എസ് -കോൺഗ്രസ് സഖ്യം മോശം ഭരണമാണെന്ന് വിധിയെഴുതിയെന്നും യെദ്യൂരപ്പ കൂട്ടിച്ചേർത്തു.
14 മാസം മാത്രമാണ് എച്ച്.ഡി കുമാരസ്വാമി സർക്കാരിന് കർണ്ണാടകത്തിൽ ആയുസ് ഉണ്ടായിരുന്നത്.
Discussion about this post