തെങ്കാശിപ്പട്ടണത്തിലൂടെ മലായാളികളെ ഏറെ ചിരിപ്പിച്ചവരാണ് സുരേഷ് ഗോപി ലാല്‍ കൂട്ടുകെട്ട്. ഇപ്പോഴിതാ ഈ കൂട്ടുകെട്ടില്‍ വീണ്ടുമൊരു ചിത്രം ഒരുങ്ങുന്നു. കസബയ്ക്ക് ശേഷം നിഥിന്‍ രണ്‍ജി പണിക്കര്‍ രചനയും സംവിധാനവും നിര്‍വഹിക്കുന്ന ചിത്രത്തിലാണ് ഇരുവരും വീണ്ടും എത്തുന്നത്.തുല്യ പ്രാധാന്യമുള്ള വേഷങ്ങളാണ് ഇരുവര്‍ക്കും ചിത്രത്തില്‍.
കാടിന്റെ പശ്ചാത്തലത്തിലൊരുങ്ങുന്ന ഈ ചിത്രത്തിന്റെ പ്രധാന ലൊക്കേഷന്‍ ഇടുക്കിയുടെ ഉള്‍നാടന്‍ പ്രദേശങ്ങളാണ്. ഗുഡ്ലൈന്‍ എന്റര്‍ടെയ്ന്‍മെന്റ്സിന്റെ ബാനറില്‍ എം.കെ. നാസര്‍ നിര്‍മ്മിക്കുന്ന പേരിട്ടിട്ടില്ലാത്ത ഈ ചിത്രത്തിന്റെ ഷൂട്ടിംഗ് ആഗസ്റ്റ് അവസാനം ആരംഭിക്കും.
ഭയാനകം, രൗദ്രം 2019 എന്നീ ചിത്രങ്ങളുടെ ഛായാഗ്രാഹകനായ നിഖില്‍ എസ്. പ്രവീണാണ് ചിത്രത്തിന്റെ ക്യാമറ . അതേസമയം ലേലത്തിന്റെ രണ്ടാം ഭാഗം ചില സാങ്കേതിക കാരണങ്ങളാല്‍ നീട്ടിവെച്ചതിനേ തുടര്‍ന്നാണ് സുരേഷ് ഗോപിയെ വെച്ച് മറ്റൊരു ചിത്രം ചെയ്യാന്‍ നിഥിന്‍ തീരുമാനിച്ചിരിക്കുന്നതെന്നുമാണ് പുറത്ത് വരുന്ന റിപ്പോര്‍ട്ട്.
Discussion about this post