നടിയെ ആക്രമിച്ച കേസില് മെമ്മറി കാര്ഡിന്റെ പകര്പ്പ് ദിലീപിന് നല്കരുതെന്ന ആവശ്യവുമായി നടി സുപ്രീംകോടതിയെ സമീപിച്ചു.മെമ്മറി കാര്ഡ് ദിലീപിന് നല്കുന്നത് തന്റെ സ്വകാര്യതയ്ക്ക് ഭീഷണിയാകുമെന്ന് നടി സുപ്രീംകോടതിയില് വ്യക്തമാക്കി.ദൃശ്യങ്ങള് ദുരുപയോഗം ചെയ്തേക്കാമെന്നും സുപ്രീംകോടതിയില് നല്കിയ അപേക്ഷയില് ചൂണ്ടിക്കാണിക്കുന്നു. സ്വകാര്യത മൗലികാവകാശമാണെന്ന വിധി ചൂണ്ടിക്കാട്ടിയാണ് ഇക്കാര്യങ്ങള് വിശദീകരിച്ചിരിക്കുന്നത്.
ചില സുപ്രധാന രേഖകളും നിര്ണായക തെളിവുകളും നടി സുപ്രീംകോടതിയില് നല്കിയിട്ടുണ്ട്. മുദ്രവെച്ച കവറിലാണ് ഈ രേഖകള് സുപ്രീംകോടതി രജിസ്ട്രിക്ക് കൈമാറിയത്. ഈ രേഖകള് ചൊവ്വാഴ്ച ജസ്റ്റിസുമാരായ എ.എന്.ഖാന്വില്ക്കര്, ദിനേശ് മഹേശ്വരി എന്നിവര്ക്ക് സമര്പ്പിക്കും
അതേസമയം സുപ്രീംകോടതിയിലെ കേസില് കക്ഷി ചേരണമെന്നാവശ്യപ്പെട്ട് നടി അപേക്ഷ സമര്പ്പിച്ചു.അപേക്ഷ സുപ്രീംകോടതി ചൊവ്വാഴ്ച പരിഗണിക്കും
Discussion about this post