ലണ്ടന്‍: ക്രൂരതയുടെ പര്യായമായി മാറിയ ഐഎസ് ഭീകരര്‍ എതിരാളികളെ ആക്രമിക്കുന്നതിന് പുതുവഴികള്‍ തേടുന്നതായി റിപ്പോര്‍ട്ട്. ഇതിന്റെ ഭാഗമായി സ്‌ഫോടകവസ്തുക്കള്‍ വച്ചുകെട്ടിയ കോഴികള്‍ ഉള്‍പ്പെടെയുള്ള പക്ഷികളെ ആക്രമണത്തിന് നിയോഗിക്കുന്നതായും റിപ്പോര്‍ട്ടുകള്‍ പറയുന്നു. ഇത്തരത്തില്‍ ചാവേറുകളാകാനായി തയാറാക്കി നിര്‍ത്തിയിരിക്കുന്ന കോഴികളുടെയും മറ്റും ചിത്രങ്ങള്‍ സാമൂഹിക മാധ്യമങ്ങളിലൂടെ കഴിഞ്ഞ ദിവസം പുറത്തുവന്നിരുന്നു. ഡെയ്‌ലി സ്റ്റാര്‍ റിപ്പോര്‍ട്ട് ഉദ്ധരിച്ച് മിറര്‍ ഓണ്‍ലൈന്‍ പോര്‍ട്ടലാണ് ഇക്കാര്യം പുറത്തുവിട്ടത്.
സ്‌ഫോടകവസ്തുക്കള്‍ വച്ചുകെട്ടി ചാവേറുകളാക്കാന്‍ ഉദേശിക്കുന്ന കോഴികളെയും മറ്റും എതിരാളികളുടെ പ്രവിശ്യയിലേക്ക് കയറ്റിവിടുകയാണ് ഇവര്‍ ചെയ്യുന്നത്. ഇവ ലക്ഷ്യസ്ഥാനത്തെത്തുമ്പോള്‍ റിമോട്ട് കണ്‍ട്രോള്‍ സംവിധാനമുപയോഗിച്ച് സ്‌ഫോടനം നടത്തുകയും ചെയ്യും. അതിനിടെ, നാളുകള്‍ നീണ്ട പോരാട്ടത്തെ തുടര്‍ന്ന് ഐഎസ് ഭീകരരുടെ ആയുധ ശേഖരത്തില്‍ കാര്യമായ കുറവു വന്നതായും റിപ്പോര്‍ട്ടുകളുണ്ട്. ഇതോടെ, ഐഎസ് ഭീകരര്‍ സ്വന്തം നിലയക്ക് ബോംബുകളുണ്ടാക്കാന്‍ ആരംഭിച്ചതായും റിപ്പോര്‍ട്ടുകള്‍ പറയുന്നു.
Discussion about this post