തിരുവനന്തപുരം: സംവിധായകന് ശ്രീകുമാര് മേനോന് അപായപ്പെടുത്താന് ശ്രമിക്കുന്നതായി നടി മഞ്ജു വാര്യര്. ഇതു സംബന്ധിച്ച് മഞ്ജുവാര്യര് ഡിജിപിക്ക് പരാതി നല്കി.
ശ്രീകുമാര് മേനോന് തന്നോട് വ്യക്തിവൈരാഗ്യമുണ്ടെന്ന് പരാതിയില് പറയുന്നു. തനിക്ക് വധഭീഷണി ഉള്പ്പെടെ ഉണ്ടെന്നും പരാതിയില് പറഞ്ഞിട്ടുള്ളതായാണ് സൂചന.
ഒടിയന് സിനിമയുടെ നിര്മാണ കാലംമുതല് ശ്രീകുമാര് മേനോന് തന്നോട് വ്യക്തിവിരോധം ഉണ്ടായിരുന്നു. വ്യക്തിവിരോധത്തിന്റെ പേരില് തന്നെ ഭീഷണിപ്പെടുത്തുകയും സമൂഹമാധ്യമങ്ങളിലടക്കം അപകീര്ത്തിപ്പെടുത്താന് ശ്രമിക്കുന്നതായും പരാതിയില് വ്യക്തമാക്കുന്നു.
ഔദ്യോഗികാവശ്യങ്ങള്ക്കായി നല്കിയ ലെറ്റര് ഹെഡും മറ്റു രേഖകളും ദുരുപയോഗം ചെയ്യപ്പെട്ടേക്കാമെന്ന് ഭയപ്പെടുന്നതായും പരാതിയില് പറയുന്നുണ്ട്. ശ്രീകുമാര് മേനോനും സുഹൃത്തും തനിക്കെതിരെ ഗൂഢാലോചന നടത്തുന്നതായും തനിക്കൊപ്പം പ്രവര്ത്തിക്കുന്നവരെ ഭീഷണിപ്പെടുത്തുന്നതായും പരാതിയില് പറയുന്നതായാണ് സൂചന.
Discussion about this post