അരൂരില്‍ പൂതനാ പരാമര്‍ശം തിരിച്ചടിയായെന്ന് സിപിഎം.അരൂരിലെ യുഡിഎഫ് സ്ഥാനാര്‍ത്ഥി ഷാനിമോള്‍ ഉസ്മാനെതിരായ കേസ് അനവസരത്തിലായെന്നും പാര്‍ട്ടി വിലയിരുത്തി.അതേസമയം മഞ്ചേശ്വരത്തെ തോല്‍വിയെയും പാര്‍ട്ടി നിശിതമായി വിമര്‍ശിച്ചു.മഞ്ചേശ്വരത്ത് ശങ്കര്‍റേയുടെ വിശ്വാസ നിലപാടുകളാണ് തിരിച്ചടിയായതെന്നും സിപിഎം സെക്രട്ടേറിയേറ്റ് വ്യക്തമാക്കി.
ആലപ്പുഴ ജില്ലാ കമ്മിറ്റി അരൂരിലെ തോൽവി അന്വേഷിക്കും. എറണാകുളത്ത് പാർട്ടി വോട്ടുകൾ ബൂത്തിലെത്തിക്കുന്നതിൽ വീഴ്ച പറ്റിയെന്നും നാലായിരത്തിലധികം പാർട്ടി വോട്ടുകൾ പോൾ ചെയ്തില്ലെന്നും പാർട്ടി സെക്രട്ടേറിയേറ്റ് വിമർശിച്ചു.
തൈക്കാട്ടുശേരിയിലെ കുടുംബ യോഗത്തിലായിരുന്നു മന്ത്രി ജി സുധാകരന്‍റെ വിവാദ പരാമർശം. പൂതനമാര്‍ക്ക് ജയിക്കാനുള്ള സ്ഥലമല്ല അരൂരെന്നായിരുന്നു ജി സുധാകരൻ പറഞ്ഞത്. എന്നാൽ പൂതനയെന്ന് വിളിച്ചിട്ടില്ലെന്നും. പൂതനയെന്ന കഥാപാത്രത്തെ പരാമർശിച്ചിക്കുകയാണെ് ചെയ്തതെന്നുമായിരുന്നു സുധാകരന്‍റെ വിശദീകരണം.
Discussion about this post