തിരുവനന്തപുരം: ന്യൂനമര്ദ്ദം ശക്തിപ്പെടുന്നതിന്റെ സൂചനയായി അഞ്ച് ജില്ലകളില് ഇന്ന് കനത്ത മഴയെന്ന് മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട, എറണാകുളം, ഇടുക്കി, മലപ്പുറം ജില്ലകളിലാണ് ഇന്ന് ഓറഞ്ച് അലര്ട്ട് ഉള്ളത്. തൃശൂര്, പാലക്കാട് ജില്ലകളില് യെല്ലോ അലര്ട്ട് പ്രഖ്യാപിച്ചു. നാളെ മലപ്പുറത്തും കോഴിക്കോടും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
അതേസമയം ഇന്നും നാളെയും ലക്ഷദ്വീപില് റെഡ് അലര്ട്ട് പ്രഖ്യാപിച്ചിട്ടുണ്ട്. ശ്രീലങ്കന് തീരത്തിനടുത്ത് ബംഗാള് ഉള്ക്കടലില് രൂപപ്പെട്ട ന്യൂനമര്ദം ലക്ഷദ്വീപ് മാലദ്വീപ് മേഖലയിലേക്കു നീങ്ങി അതി തീവ്ര ന്യൂനമര്ദമാകാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കുന്നു. ഇതിന്റെ സ്വാധീനഫലമായി സംസ്ഥാനത്ത് ശക്തമായ മഴ പെയ്യുമെന്നാണ് കാലാവസ്ഥാ മുന്നറിയിപ്പില് പറയുന്നത്.
ഓറഞ്ച് പ്രഖ്യാപിക്കപ്പെട്ട ജില്ലകളില് ഒറ്റപ്പെട്ടയിടങ്ങളില് ശക്തമായതോ അതിശക്തമായതോ ആയ മഴയ്ക്കുളള സാധ്യതയാണ് പ്രവചിച്ചിരിക്കുന്നത്. കടല് പ്രക്ഷുബ്ധമാകാനുളള സാധ്യത മുന്നില് കണ്ട് മത്സ്യത്തൊഴിലാളികള് കേരളം തീരത്തും കന്യാകുമാരി മാലദ്വീപ് , ലക്ഷദ്വീപ് തീരത്തും മത്സ്യബന്ധനത്തിന് പോകരുതെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കുന്നു.
Discussion about this post