അയോധ്യക്കേസിന്റെ നാള് വഴി
- 1528ല് നിര്മ്മിക്കപ്പെട്ടുവെന്ന് കരുതുന്ന ബാബറി മസ്ജിദ് രാമജന്മഭൂമിയാണെന്ന അവകാശവാദം ഉയരുന്നത് 1850ഓടെയാണ്.
- 1885 ജനുവരി 29ന് തര്ക്കം ആദ്യമായി കോടതികയറി. മഹന്ത് രഘുബര്ദാസ് തര്ക്കഭൂമിയില് ക്ഷേത്രം പണിയണമെന്നാവശ്യപ്പെട്ട് നല്കിയ ഹര്ജി ഫൈസാബാദ് സബ്കോടതി തള്ളി.
- ഇതിനെതിരെ നല്കിയ അപ്പീലുകള് 1886 മാര്ച്ച് 18ന് ജില്ലാകോടതിയും നവംബര് 1ന് ജുഡീഷ്യല് കമ്മീഷണറും തള്ളിയതോടെ ബ്രിട്ടീഷ് കാലത്തെ നിയമപോരാട്ടം അവസാനിച്ചു.
- 1949 ഓഗസ്റ്റ് 22 പള്ളിയില് രാമവിഗ്രഹം പ്രതിഷ്ഠിക്കപ്പെട്ടു. 1949 ഡിസംബര് 29 തര്ക്കഭൂമി ജില്ലാ മജിസ്ട്രേറ്റ് ജപ്തി ചെയ്തു. ഇതിനെതിരെ 1950 ജനുവരി 16ന് ഗോപാല് സിങ് വിഷാരദെന്ന ശ്രീരാമ ഭക്തന് ഫൈസാബാദ് കോടതിയില് ഹര്ജി നല്കി.
- 1959ല് സുന്നി വഖഫ് ബോര്ഡും 1961ല് നിര്മോഹി അഖാഡയും ഹര്ജി നല്കി. 1986 ജനുവരി 31, പള്ളി ഹിന്ദുക്കള്ക്കായി തുറന്നുകൊടുക്കാന് ഫൈസാബാദ് മജിസ്ട്രേറ്റ് കോടതി ഉത്തരവ്.
- 1993 ജനുവരി 7, തര്ക്കഭൂമി ഏറ്റെടുത്ത് കേന്ദ്ര സര്ക്കാര് നിയമം പാസാക്കി. തര്ക്കഭൂമിയുടെ കാര്യത്തില് തീര്പ്പുണ്ടാക്കാന് സുപ്രീംകോടതിക്ക് രാഷ്ട്രപതി റഫറന്സ് നല്കി.
- 1994 ഒക്ടോബര് 24, റഫറന്സിന് മറുപടി നല്കാന് വിസമ്മതിച്ച് സുപ്രീംകോടതി വിധി. വിഷയം അലഹബാദ് ഹൈക്കോടതിയിലേക്ക്.
- 2010 സെപ്റ്റംബര് 30, തര്ക്കഭൂമി മൂന്നായി വിഭജിക്കാന് ഹൈക്കോടതി വിധി. 2010 മെയ് 9 വിധിക്ക് സുപ്രീംകോടതി സ്റ്റേ.
- 2019 ജനുവരി 08 ഹൈക്കോടതി വിധിക്കെതിരായ അപ്പീലുകള് ഭരണഘടന ബെഞ്ചിന്. 2019 മാര്ച്ച് 08 സമവായ ചര്ച്ചക്ക് സുപ്രീംകോടതി ഉത്തരവ്. ചര്ച്ച പരാജയപ്പെട്ടതോടെ 2019 ഓഗസ്റ്റ് 06 ഭരണഘടന സുപ്രീംകോടതിയില് അന്തിമവാദം
- 2019 ഒക്ടോബര് 16 40 ദിവസത്തെ വാദത്തിന് ശേഷം ഹര്ജികള് വിധി പറയാന് മാറ്റി
- 2019 നവംബര് 16- അയോധ്യയിലെ തര്ക്കഭൂമി ഹിന്ദുകള്ക്ക് ക്ഷേത്ര നിര്മ്മാണത്തിന് വിട്ട് നല്കും. ഭൂമിയുടെ അവകാശം കേന്ദ്രസര്ക്കാര് രൂപീകരിക്കുന്ന ട്രസ്റ്റിന് വിട്ടു നല്കും. തര്ക്കഭൂമിക്കു പുറത്ത് മുസ്ലിംകള്ക്ക് അഞ്ച് ഏക്കര് ഭൂമി നല്കാന് സുപ്രീംകോടതി ഉത്തരവ്
Discussion about this post