മുൻ പ്രധാനമന്ത്രിയും മുതിർന്ന കോൺഗ്രസ് നേതാവുമായ ഡോ. മൻമോഹൻ സിങ് പൗരത്യ ഭേദഗതി ബില്ലിനെ അനുകൂലിച്ച് സംസാരിക്കുന്ന വീഡിയോ പുറത്ത് വിട്ട് ബിജെപി. പാക്കിസ്ഥാൻ, അഫ്ഗാനിസ്ഥാൻ, ബംഗ്ലദേശ് എന്നിവിടങ്ങളിൽ നിന്നുള്ള ന്യൂനപക്ഷങ്ങൾക്ക് പൗരത്വം നൽകുന്നതിനെ പിന്തുണച്ച് സംസാരിക്കുന്നതിന്റെ വിഡിയോ ആണ് പുറത്ത് വന്നിരിക്കുന്നത്
‘2003 ൽ പ്രതിപക്ഷ നേതാവായിരുന്ന മൻമോഹൻ സിങ് രാജ്യസഭയിൽ സംസാരിക്കവെ പാക്കിസ്ഥാൻ, ബംഗ്ലദേശ് എന്നിവിടങ്ങളിൽ പീഡനം നേരിടുന്ന ന്യൂനപക്ഷങ്ങളോട് ഉദാരസമീപനം സ്വീകരിക്കണമെന്ന് ആവശ്യപ്പെടുന്നു. പൗരത്വ ഭേദഗതി നിയമം അത് ചെയ്യുന്നു’വിഡിയോയ്ക്കൊപ്പം ബിജെപി ട്വീറ്റ് ചെയ്തു.
In 2003, speaking in Rajya Sabha, Dr Manmohan Singh, then Leader of Opposition, asked for a liberal approach to granting citizenship to minorities, who are facing persecution, in neighbouring countries such as Bangladesh and Pakistan. Citizenship Amendment Act does just that… pic.twitter.com/7BOJJMdkKa
— BJP (@BJP4India) December 19, 2019
‘മാഡം, അഭയാർഥികളോടുള്ള സമീപനത്തെക്കുറിച്ച് ഞാൻ എന്തെങ്കിലും പറയാൻ ആഗ്രഹിക്കുന്നു. നമ്മുടെ രാജ്യം വിഭജിക്കപ്പെട്ടതിനുശേഷം ബംഗ്ലദേശ് പോലുള്ള രാജ്യങ്ങളിലെ ന്യൂനപക്ഷങ്ങൾ പീഡനം നേരിടുന്നു. ആ പൗരന്മാർക്ക് പൗരത്വം നൽകുന്നതിൽ കൂടുതൽ ഉദാരസമീപനം സ്വീകരിക്കണം. പൗരത്വ നിയമവുമായി ബന്ധപ്പെട്ട് ഭാവിയിലെ നടപടികൾ ആവിഷ്കരിക്കുന്നതിൽ ബഹുമാനപ്പെട്ട ഉപപ്രധാനമന്ത്രി ഇത് കണക്കിലെടുക്കുമെന്ന് ഞാൻ ആത്മാർത്ഥമായി പ്രതീക്ഷിക്കുന്നു’– വിഡിയോയിൽ മൻമോഹൻ സിങ് പറയുന്നു.
മുതിർന്ന ബിജെപി നേതാവായ എൽ.കെ അദ്വാനിയായിരുന്നു അന്നു ഉപപ്രധാനമന്ത്രിയും ആഭ്യന്തരമന്ത്രിയും.
Discussion about this post