ഡല്ഹി: കോണ്ഗ്രസ് നേതാക്കളായ രാഹുല് ഗാന്ധിയെയും പ്രിയങ്കാ വധേരയെയും രൂക്ഷമായി വിമര്ശിച്ച് കേന്ദ്ര മന്ത്രി അമിത് ഷാ. പൗരത്വ ഭേദഗതി നിയമത്തെ കുറിച്ച് ജനങ്ങളില് തെറ്റിദ്ധാരണ പടര്ത്തി കലാപത്തിനു പ്രേരിപ്പിക്കുകയാണ് രാഹുലും പ്രിയങ്കയും ചെയ്തതെന്ന് ഷാ ആരോപിച്ചു. ഡല്ഹിയില് ബൂത്ത് കാര്യകര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം.
‘പൗരത്വം നഷ്ടപ്പെടുമെന്ന് പറഞ്ഞ് രാജ്യത്തെ ന്യൂനപക്ഷങ്ങളെ നിങ്ങള് പ്രകോപിപ്പിക്കുകയാണ്. പൗരത്വം നഷ്ടമാവില്ലെന്ന് രാജ്യത്തെ ന്യൂനപക്ഷങ്ങളോട് പറയാന് ഞാന് ആഗ്രഹിക്കുകയാണ്. കാരണം പൗരത്വ നിയമ ഭേദഗതിയില് ആരുടെയും പൗരത്വം റദ്ദാക്കാനുള്ള വകുപ്പില്ല’.- ഷാ വ്യക്തമാക്കി.
പാകിസ്ഥാനിലെ നങ്കാന ഗുരുദ്വാര ആക്രമിക്കപ്പെട്ട സംഭവത്തെ കുറിച്ചും അമിത് ഷാ പ്രസംഗത്തില് പരാമര്ശിച്ചു. ‘കെജ്രിവാള്, സോണിയാ, രാഹുല് കണ്ണ് തുറക്കൂ…നോക്കൂ എങ്ങനെയാണ് കഴിഞ്ഞദിവസം പാകിസ്ഥാനിലെ നങ്കാന സാഹിബ് ഗുരുദ്വാര ആക്രമിക്കപ്പെട്ടതെന്ന്. പൗരത്വ നിയമ ഭേദഗതിക്കെതിരെ പ്രതിഷേധിക്കുന്നവര്ക്കെല്ലാമുള്ള മറുപടിയാണത്. ആക്രമിക്കപ്പെട്ട സിഖുകാര് എവിടേക്ക് പോകും’- അദ്ദേഹം ചോദിച്ചു.
Discussion about this post