തൊടുപുഴ: തൊടുപുഴയില്‍ കാര്‍ഷിക മേളയോടനുബന്ധിച്ച് നടന്ന കാലി പ്രദര്‍ശന മത്സരത്തില്‍ ഒന്നാം സ്ഥാനത്തെത്തിയ പശുവിന് സമ്മാനം നല്‍കാനാന്‍ മുഖ്യമന്ത്രി ശ്രമിച്ചതാണ് കാണികളില്‍ ചിരിയുണര്‍ത്തിയത്. ഗീര്‍ ഇനത്തില്‍ പെട്ട ഗായത്രി എന്ന പശുവിനായിരുന്നു ഒന്നാം സമ്മാനം. മുഖ്യമന്ത്രി പശുവിന്റെ കഴുത്തില്‍ ചുവപ്പ് മാലയിടാന്‍ എത്തിയെങ്കിലും ഗായത്രി വഴങ്ങിയില്ല.പശു വിരണ്ട് പുറകോട്ടു മാറിയതിനാല്‍ മുഖ്യമന്ത്രി ശ്രമം ഉപേക്ഷിക്കുകയായിരുന്നു.
മുഖ്യമന്ത്രിയെ ഗായത്രി പരിഗണിക്കാതിരുന്നതോടെ ഉടമ വണ്ടമറ്റം അടപ്പൂര്‍ റാബിന്‍ ബി മാത്യുവിന് മാല നല്‍കി. ഇന്ത്യയിലെ ഏറ്റവും നല്ല നാടന്‍ പശു എന്ന വിഭാഗത്തിലായിരുന്നു മത്സരം. ഏറ്റവും ലക്ഷണമൊത്ത പശു ഇതാണെന്നാണ് പാനല്‍ വിലയിരുത്തിയത്. പി.ജെ. ജോസഫ് എം.എല്‍.എയാണ് പശുവിന് ഗായത്രിയെന്ന് പേരിട്ടത്. ഗുജറാത്തില്‍ നിന്നാണ് ഈ പശുവിനെ റാബിന്‍ വാങ്ങിയത്. കാലിപ്രദര്‍ശനത്തില്‍ വിവിധ വിഭാഗങ്ങളിലായി ഇരുന്നൂറ്റമ്പതോളം കാലികള്‍ പങ്കെടുത്തിരുന്നു.
Discussion about this post