പാക് അധിനിവേശ കശ്മീരിലൂടെ കടന്നു പോകുന്ന ചൈന-പാക് സാമ്പത്തിക ഇടനാഴിയുടെ തീരങ്ങൾ നിരീക്ഷിക്കാൻ പാകിസ്ഥാൻ നാവികസേനയ്ക്ക് ചൈന രണ്ടു യുദ്ധക്കപ്പലുകൾ കൈമാറി.PMSS ഹിംഗോൾ,PMSS ബസോൾ എന്നിങ്ങനെ പുനർനാമകരണം ചെയ്യപ്പെട്ട രണ്ടു കപ്പലുകൾ,പാകിസ്താനിലെ ഗ്വദർ തുറമുഖത്തിന് സമീപമുള്ള തീരങ്ങളിലെ നിരീക്ഷണത്തിനാണ് പാക് നാവികസേന ഉപയോഗിക്കുക.ചൈനയിലെ ക്സിങ്ജിയാങ് പ്രവിശ്യയിൽ നിന്നാരംഭിക്കുന്ന സാമ്പത്തിക ഇടനാഴി അവസാനിക്കുന്നത് ബലൂചിസ്ഥാൻ മേഖലയിലെ ഗ്വദർ തുറമുഖത്താണ്.ഉടൻ തന്നെ,രണ്ട് കപ്പലുകൾ കൂടി ചൈന പാകിസ്താന് നൽകിയേക്കും.54 ബില്യൺ യു.എസ് ഡോളർ ചിലവിട്ട നിർമ്മിക്കുന്ന ചൈന-പാക് സാമ്പത്തിക ഇടനാഴി,ഹൈവേകൾ,റെയിൽവെപാതകൾ ,പൈപ്പ് ലൈനുകൾ,ഒപ്റ്റിക്കൽ ഫൈബർ ലൈനുകൾ എന്നിവ കടന്നുപോകുന്ന വളരെ വലിയൊരു വ്യവസായ ശൃംഖലയാണ്.
Discussion about this post