ഡല്ഹി: രാജ്യത്തെ എല്ലാ ഡ്രോണുകളും ഡ്രോണ് ഓപ്പറേറ്റര്മാരും ജനുവരി 31നകം രജിസ്റ്റര് ചെയ്യണമെന്ന് കേന്ദ്ര വ്യോമയാന മന്ത്രാലയത്തിന്റെ മുന്നറിയിപ്പ്. ഓണ്ലൈന് വഴിയാണ് രജിസ്ട്രേഷന് നടപടികള്. ദിവസങ്ങള്ക്ക് മുമ്പ് യുഎസ് ഡ്രോണ് ആക്രമണത്തില് ഇറാനില് ജനറല് ഖാസിം സുലൈമാനി കൊല്ലപ്പെട്ടതിന് പിന്നാലെയാണ് രാജ്യത്തെ എല്ലാ ഡ്രോണുകള്ക്കും രജിസ്ട്രേഷന് നിര്ബന്ധമാക്കാനുള്ള വ്യോമയാന മന്ത്രാലയത്തിന്റെ തീരുമാനമെന്ന് പിടിഐവാര്ത്താ ഏജന്സി റിപ്പോര്ട്ടു ചെയ്തു. വ്യോമയാന വിഭാഗമായ ഡിജിസിഎയുടെ ഡിജിറ്റല് സ്കൈ എന്ന വെബ്സൈറ്റിലൂടെയാണ് ഓണ്ലൈന് രജിസ്ട്രേഷന് പൂര്ത്തിയാക്കേണ്ടത്.
ജനുവരി 31നകം ഡ്രോണുകള് രജിസ്റ്റര് ചെയ്യാത്തവര്ക്കെതിരേ നിയമനടപടികള് സ്വീകരിക്കുമെന്നും പുതിയ രജിസ്ട്രേഷന് നിബന്ധന കര്ശനമാണെന്നും വ്യോമയാന മന്ത്രാലയം വ്യക്തമാക്കി. കഴിഞ്ഞ വര്ഷത്തെ കണക്കുകള് പ്രകാരം ഇന്ത്യയില് നിയമവിരുദ്ധമായി 50000 മുതല് 60000 വരെ ഡ്രോണുകളുണ്ടെന്നാണ് സൂചന.
രജിസ്ട്രേഷന് നടപടി പൂര്ത്തിയാകുമ്പോൾ എല്ലാ ഡ്രോണുകള്ക്കും ഒരു അംഗീകൃത ഡ്രോണ് നമ്പറും (DAN) അംഗീകൃതഉടമസ്ഥ നമ്പറും (OAN) ലഭിക്കും. ഡ്രോണുകളുടെ അംഗീകാരം തെളിയിക്കുന്ന നമ്പറുകളാണിവ. ഇവ രണ്ടും ഇല്ലാതെ ജനുവരി 31ന് ശേഷം ഏത് തരം ഡ്രോണുകള് ഉപയോഗിക്കുന്നത് ശിക്ഷാര്ഹമായിരിക്കുമെന്നും കേന്ദ്രവ്യോമയാന മന്ത്രാലയം ചൂണ്ടിക്കാട്ടി.
Discussion about this post