ശ്രീനഗര്: ജമ്മു മേഖലയിലെ ചില ഭാഗങ്ങളില് ആറ് മാസത്തിന് ശേഷം ഇന്റര്നെറ്റ് സേവനങ്ങള് ഭാഗികമായി പുന:സ്ഥാപിച്ചു. ജമ്മുവിലെ ചിലയിടങ്ങളില് മൊബൈല് ഇന്റര്നെറ്റ് അനുവദിച്ച ഭരണകൂടം ഹോട്ടലുകള്, യാത്രാ സ്ഥാപനങ്ങള്, ആശുപത്രികള് എന്നിവക്കായി ബ്രോഡ്ബാന്ഡ് പുന:സ്ഥാപിക്കുകയും ചെയ്തു.
400 ഇന്റര്നെറ്റ് കിയോസ്കുകള് കൂടി കശ്മീര് ഡിവിഷനില് സ്ഥാപിക്കുമെന്ന് ആഭ്യന്തര വകുപ്പ് അറിയിച്ചു. അവശ്യ സേവനങ്ങള്, ആശുപത്രികള്, ബാങ്കുകള്, സര്ക്കാര് ഓഫീസുകള് എന്നി സ്ഥാപനങ്ങള്ക്ക് ഇന്റര്നെറ്റ് സേവന ദാതാക്കള് ബ്രോഡ്ബാന്ഡ് (മാക് ബൈന്ഡിങ്) സൗകര്യമൊരുക്കും.പ്രത്യേക ഇന്റര്നെറ്റ് പ്രോട്ടോക്കോള് വിലാസത്തില് നിന്ന് സേവനങ്ങള് ലഭിക്കുന്ന സംവിധാനമാണ് മാക് ബൈന്ഡിങ്. ടൂറിസം സുഗമമാക്കുന്നതിനായി ഹോട്ടലുകള്ക്കും യാത്രാ സ്ഥാപനങ്ങള്ക്കും ബ്രോഡ്ബാന്ഡ് ഇന്റര്നെറ്റ് നല്കും.
ജമ്മു, സാംബ, കതുവ, ഉദാംപൂര്, റിയാസി എന്നീ ജില്ലകളില് ഇ-ബാങ്കിങ് ഉള്പ്പെടെയുള്ള സേവനങ്ങള് ലഭ്യമാക്കുന്നതിന് പോസ്റ്റ് പെയ്ഡ് മൊബൈലുകളില് 2 ജി മൊബൈല് സേവനം അനുവദിക്കുമെന്നും ഉത്തരവില് പറയുന്നു.
Discussion about this post