ഡൽഹി: ജമ്മുകശ്മീരില് വീട്ടുതടങ്കലില് കഴിയുന്ന നേതാക്കളെ ഒരു മാസത്തിനുളളില് സ്വതന്ത്രരാക്കുമെന്ന് ബിജെപി ജമ്മുകശ്മീര് അധ്യക്ഷന് രവീന്ദര് റെയ്ന. യുവാക്കളെ കലാപത്തിന് പ്രേരിപ്പിക്കുമെന്നതിനാലാണ് കരുതല് തടങ്കലിലാക്കിയതെന്നും കശ്മീരിലെ ശാന്തമായ അന്തരീക്ഷം വഷളാക്കാന് പാകിസ്ഥാന് നിരന്തരം ശ്രമിക്കുകയാണെന്നും തെരഞ്ഞെടുപ്പ് പ്രചാരണത്തിന് ഡൽഹിയിലെത്തിയ രവീന്ദര് റെയ്ന ഒരു പ്രമുഖ മാധ്യമത്തിന് നല്കിയ അഭിമുഖത്തില് പറഞ്ഞു.
മുന് മുഖ്യമന്ത്രിമാരായ ഫറൂക്ക് അബ്ദുള്ള, ഒമര് അബ്ദുള്ള, മെഹ്ബൂബ മുഫ്തി, തുടങ്ങിയവര് ആറ് മാസത്തോളമായി വീട്ടുതടങ്കലിലാണ്. തീവ്രവാദത്തിന് കശ്മീരിനെ ആയുധമാക്കാനാണ് പാകിസ്ഥാന്റെ ശ്രമം. എന്നാല് ഇനിയത് വിലപ്പോവില്ലെന്നും കശ്മീര് ബിജെപി അധ്യക്ഷന് പറഞ്ഞു.
പുനസംഘടനയ്ക്ക് ശേഷം സ്ഥിതിഗതികളില് മാറ്റമുള്ള സാഹചര്യത്തില് മോചന നടപടികള് പുരോഗമിക്കുകയാണ്. ഇന്റലിജന്സ് ഏജന്സികളുടെ വിവരങ്ങളുടെയടക്കം അടിസ്ഥാനത്തില് വൈകാതെ തീരുമാനമുണ്ടാകുമെന്ന് രവീന്ദര് റെയ്ന വ്യക്തമാക്കി.
Discussion about this post