ഡൽഹി: നിർഭയ കേസ് പ്രതികളുടെ വധശിക്ഷ നടപ്പാക്കണമെന്ന് ആവശ്യപ്പെട്ട് കേന്ദ്രസർക്കാർ ഡൽഹി ഹൈക്കോടതിയെ സമീപിച്ചു. ശിക്ഷ നടപ്പാക്കണമെന്ന് ആവശ്യപ്പെട്ട് കേന്ദ്രസർക്കാർ ഹൈക്കോടതിയിൽ സമർപ്പിച്ച ഹർജിയിൽ നാല് പ്രതികൾക്കും തിഹാർ ജയിൽ അധികൃതർക്കും ഹൈക്കോടതി നോട്ടീസ് അയച്ചു.
പ്രതികൾ നിയമ വ്യവസ്ഥയെ അപഹസിക്കുകയാണെന്ന് കേന്ദ്രസർക്കാരിന് വേണ്ടി ഹാജരായ സോളിസിറ്റർ ജനറൽ തുഷാർ മേത്ത ആരോപിച്ചു. കേസ് കോടതി നാളെ വീണ്ടും പരിഗണിക്കും.
അതേസമയം പ്രതികളുടെ വധശിക്ഷ സ്റ്റേ ചെയ്ത പട്യാല ഹൗസ് കോടതി ഉത്തരവിനെതിരെ തിഹാർ ജയിൽ അധികൃതരും ഡൽഹി ഹൈക്കോടതിയിൽ ഹർജി നൽകിയിരിക്കുകയാണ്. നിയമത്തിന്റെ സാദ്ധ്യതകൾ ദുരുപയോഗം ചെയ്ത് പ്രതികൾ ശിക്ഷ നീട്ടിക്കൊണ്ട് പോകാൻ ശ്രമിക്കുകയാണെന്ന് ഹർജിയിൽ ചൂണ്ടിക്കാട്ടുന്നു. ഇന്നലെയായിരുന്നു പ്രതികളിൽ ഒരാളായ വിനയ് ശർമ്മയുടെ ഹർജിയിൽ പട്യാല ഹൗസ് കോടതി വധശിക്ഷ സ്റ്റേ ചെയ്തത്.
Discussion about this post