ആദ്യ ഏകദിനത്തില്‍ ന്യൂസിലണ്ടിനെതിരെ കൂറ്റന്‍ വിജയലക്ഷ്യം മുന്നോട്ട് വച്ച് ടീം ഇന്ത്യ. ആദ്യം ബാറ്റ് ചെയ്ത് ഇന്ത്യ നിശ്ചിത അന്‍പത് ഓവറില്‍ നാല് വിക്കറ്റിന് 347 റണ്‍സ് എടുത്തു. സെഞ്ച്വറി നേടിയ ശ്രേയാസ് അയ്യരും, 88 റണ്‍സ് നേടിയ കെ.എല്‍ രാഹുലും ആണ് ഇന്ത്യക്ക് മികച്ച സ്‌കോര്‍ സമ്മാനിച്ചത്. ശ്രേയാസ് അയ്യര്‍ 103 റണ്‍സ് എടുത്തു.
ഓപ്പണ്‍മാരായി ഇറങ്ങിയ പൃഥ്വി ഷാ 20 റണ്‍സും, മായങ്ക് അഗര്‍വാള്‍ 32 റണ്‍സും എടുത്തു. ഷാ പുറത്തായതിന് ശേഷം എത്തിയ ക്യാപ്റ്റന്‍ വിരാട് കൊഹ് ലി 51 റണ്‍സെടുത്തു. കേദാര്‍ ജാദവും മികച്ച പ്രകടനം പുറത്തെടുത്തു.
