തിരുവനന്തപുരം: സംസ്ഥാനത്ത് ഇന്ന് കൊറോണ സ്ഥിരീകരിച്ച 19 പേരില് ഒരാള് ഇടുക്കിയില് നിന്നുള്ള കോൺഗ്രസ് നേതാവ്. കഴിഞ്ഞ ദിവസം നിയമസഭയിലടക്കം ഇദ്ദേഹം സന്ദര്ശനം നടത്തിയതായാണ് റിപ്പോർട്ട്. സംസ്ഥാനത്തെ സംസ്ഥാനത്തെ മുതിർന്ന കോൺഗ്രസ് നേതാവുമൊത്ത് ഒരു മന്ത്രിയുമായും ഇദ്ദേഹം കൂടിക്കാഴ്ച നടത്തിയതായും സൂചനയുണ്ട്. പ്രതിപക്ഷപാര്ട്ടിയുടെ പോഷകസംഘടനാനേതാവാണ് ഇദ്ദേഹം.
മാര്ച്ച് 18 മുതലാണ് ഇദ്ദേഹം നിരീക്ഷണത്തിലായത്. അതേസമയം ഇദ്ദേഹത്തിന് വിദേശയാത്രാ ചരിത്രമില്ല. അതിനാല് പാലക്കാട് നിന്നാവാം ഇദ്ദേഹത്തിന് കൊറോണ ബാധിച്ചിട്ടുണ്ടാവുകയെന്നാണ് പ്രാഥമിക നിഗമനം. ജില്ലയിലെയും സംസ്ഥാനത്തെയും പ്രമുഖ നേതാക്കളുമായി ഇദ്ദേഹത്തിന് സമ്പര്ക്കമുണ്ടായിട്ടുണ്ട്. ഇദ്ദേഹത്തിന്റെ റൂട്ട്മാപ്പ് തയ്യാറാക്കാനുള്ള ശ്രമത്തിലാണ് ജില്ലാ ഭരണകൂടം. കെ.എസ്.ആര്.ടി.സി. ബസ്, ട്രെയിന്, കാര് തുടങ്ങിയ ഗതാഗതമാര്ഗങ്ങള് ഇദ്ദേഹം ഉപയോഗിച്ചിട്ടുണ്ട്. സംഘടനാപരമായ പ്രവര്ത്തനങ്ങളുടെ ഭാഗമായി ഇദ്ദേഹം വിവിധ ജില്ലകളില് നിന്നുള്ളവരുമായും ബന്ധപ്പെട്ടിട്ടുണ്ട്. പ്രാര്ത്ഥനകള്ക്കായി ദേവാലയത്തില് പോയെന്നും വിവരമുണ്ട്.
പൊതുപ്രവര്ത്തകനായതിനാല് നിരവധിയാളുകളുമായി ഇദ്ദേഹം സമ്പര്ക്കം പുലര്ത്തുകയും വിവിധയിടങ്ങള് സന്ദര്ശിക്കുകയും ചെയ്തിട്ടുണ്ട്. പാലക്കാട്, ഷോളയാര്, മൂന്നാര്, തിരുവനന്തപുരം എന്നിവിടങ്ങളില് ഇദ്ദേഹം സന്ദര്ശനം നടത്തി. സമരങ്ങളിലും യോഗങ്ങളിലും ഇദ്ദേഹം പങ്കെടുത്തിട്ടുണ്ട്.
അതേസമയം സംസ്ഥാനത്ത് വ്യാഴാഴ്ച കൊറോണ സ്ഥിരീകരിച്ച 19 പേരില് ഒമ്പതുപേര് കണ്ണൂര് ജില്ലയില് നിന്നുള്ളവരാണ്. കാസര്ഗോഡ്-3, മലപ്പുറം-3, തൃശ്ശൂര്-2, ഇടുക്കി-1, വയനാട് എന്നിവിടങ്ങളില് നിന്നുള്ളവരാണ് മറ്റുള്ളവര്.
Discussion about this post