കോവിഡ് രോഗം നിർമാർജനം ചെയ്യാൻ വേണ്ടി പ്രവർത്തിക്കുന്ന ആരോഗ്യ പ്രവർത്തകരെ, ടെറസുകളിലും ബാൽക്കണിയിൽ നിന്ന് കൈയടിച്ച് പ്രോത്സാഹിപ്പിച്ചു കൊണ്ടാണ് ബ്രിട്ടീഷ് ജനത അവരോടുള്ള കൃതജ്ഞത പ്രകടിപ്പിച്ചത്. വ്യാഴാഴ്ച രാത്രി എട്ടുമണിക്കായിരുന്നു ഒരു മിനിറ്റ് നേരം ബ്രിട്ടൻ മുഴുവൻ നാഷണൽ ഹെൽത്ത് സർവീസ് അംഗങ്ങൾക്ക് വേണ്ടി നിർത്താതെ കരഘോഷം മുഴങ്ങിയത്.
ലോക പ്രശസ്ത സിനിമാ താരമായ ‘ജയിംസ് ബോണ്ട്’ എന്ന ഡാനിയൽ ക്രെയ്ഗ്, ടൈറ്റാനിക് സുന്ദരി കേറ്റ് വിൻസ്‌ലെറ്റ്, റിലീസ് വന്നിരിക്കുന്ന ജെയിംസ് ബോണ്ട് സിനിമയായ “നോ ടൈം ഫോർ ഡൈ”യുടെ എല്ലാ താരങ്ങളും, ഫുട്ബോൾ താരം ഡേവിഡ് ബെക്കാം കുടുംബവും, ബ്രിട്ടീഷ് പ്രധാനമന്ത്രി ബോറിസ് ജോൺസൺ, പ്രിൻസ് രാജകുമാരൻ ഷാർലെറ്റ് രാജകുമാരി തുടങ്ങി ബ്രിട്ടനിലെ എല്ലാ പ്രശസ്തരും തങ്ങൾക്കുവേണ്ടി പൊരുതുന്ന ആരോഗ്യ പ്രവർത്തകരോട് ഐക്യദാർഢ്യം പ്രഖ്യാപിച്ചു.
