തിരുവനന്തപുരം: കൊറോണ വൈറസ് ബാധയെത്തുടര്ന്ന് കോട്ടയം മെഡിക്കല് കോളജ് ആശുപത്രിയില് ചികിത്സയിലായിരുന്ന വൃദ്ധ ദമ്പതികള് രോഗമുക്തരായി. ഇറ്റലിയില് നിന്ന് വന്ന സ്വന്തം കുടുംബാംഗങ്ങളില് നിന്നും രോഗം പിടിപെട്ട പത്തനംതിട്ടയിലെ തോമസ് (93) മറിയാമ്മ (88) ദമ്പതികളാണ് കൊറോണ രോഗബാധയില് നിന്ന് മോചിതരായത്.
ലോകത്ത് തന്നെ 60 വയസിന് മുകളില് കൊറോണ വൈറസ് ബാധിച്ചവരെ ഹൈ റിസ്കിലാണ് പെടുത്തിയിരിക്കുന്നത്. പ്രായാധിക്യം മൂലമുള്ള അസുഖങ്ങള്ക്ക് പുറമേയാണ് കൊറോണ വൈറസ് കൂടി ഇവരെ ബാധിച്ചത്.
അതീവ ഗുരുതരാവസ്ഥയിലായിരുന്ന ഇവരെയാണ് മരണക്കയത്തില് നിന്നും കോട്ടയം മെഡിക്കല് കോളജിലെ വിദഗ്ധ ചികിത്സയിലൂടെ ജീവിതത്തിലേക്ക് തിരിച്ച് കൊണ്ടുവന്നത്.
Discussion about this post