ലോക്ഡൗൺ പരിശോധന : കർഫ്യൂ പാസ് ചോദിച്ച എ.എസ്.ഐയുടെ കൈ വെട്ടി

രാജ്യത്ത് കേന്ദ്രസർക്കാർ പ്രഖ്യാപിച്ച ലോക്ഡൗൺ നടന്നു കൊണ്ടിരിക്കെ പരിശോധന നടത്തിയ പോലീസുകാർക്കെതിരെ അക്രമം. പഞ്ചാബിലെ പട്യാലയിൽ, കർഫ്യു പാസ് ചോദിച്ച പോലീസ് ഉദ്യോഗസ്ഥന്റെ കൈ വെട്ടിമാറ്റി. പട്യാലയിലെ പച്ചക്കറി ചന്തയിലാണ് പട്ടാപ്പകൽ നാടിനെ നടുക്കിയ സംഭവം നടന്നത്.

ഇന്ന് രാവിലെ ആയുധധാരികളായ അഞ്ചംഗസംഘം സഞ്ചരിച്ചിരുന്ന വാഹനം ചന്തയിൽ വെച്ച് പൊലീസുകാർ തടഞ്ഞു. കർഫ്യൂ പ്രഖ്യാപിച്ചിരിക്കുന്നതിനാൽ യാത്രാ പാസ് ചോദിച്ചപ്പോൾ, ഇവർ പോലീസിനെ ആക്രമിക്കുകയായിരുന്നു.എ.എസ്.ഐയെ വെട്ടിയശേഷം കൂടെയുള്ള പോലീസുകാരെയും ഇവർ ആക്രമിച്ചു.സംഭവത്തിൽ മൂന്ന് പോലീസുകാർക്ക് പരിക്കേറ്റു.എല്ലാവരെയും തൊട്ടടുത്തുള്ള രാജിന്ദ്ര ആശുപത്രിയിൽ പ്രവേശിപ്പിച്ചിട്ടുണ്ട്.നിഹംഗ് എന്ന വിഭാഗത്തിലുള്ള സിഖുകാരാണ് അക്രമികളെന്നാണ് സൂചന. സംഭവത്തിൽ കേസെടുത്തിട്ടുണ്ടെന്നും അന്വേഷണം പുരോഗമിക്കുകയാണെന്നും പോലീസ് അധികാരികൾ വ്യക്തമാക്കി.

വീഡിയോ കാണാം..

Barbaric. The moment few sick beasts attacked Punjab Police in Patiala and cut off left hand of an ASI Harjeet Singh after breaking Police barricades in lockdown. Attackers fled from the spot and are hiding in Gurudwara. Efforts are on to arrest. This is ATTEMPT TO MURDER 4 cops. pic.twitter.com/Wtt6QfnBD0

— Aditya Raj Kaul (@AdityaRajKaul) April 12, 2020