ഡല്ഹി: സോണിയാഗാന്ധിക്കെതിരെ പരാമര്ശത്തിനെതിരെ എടുത്ത കേസുകളില് റിപ്പബ്ലിക് ടിവി ചീഫ് എഡിറ്റര് അര്ണബ് ഗോസ്വാമിക്ക് അറസ്റ്റില് നിന്ന് സംരക്ഷണം നല്കി സുപ്രീംകോടതി മൂന്നാഴ്ചത്തെ സംരക്ഷണമാണ് സുപ്രിം കോടതി നല്കിയത്. വിചാരണ കോടതികളില് നിന്നോ ഹൈക്കോടതിയില് നിന്നോ മുന്കൂര്ജാമ്യം എടുക്കാനും കോടതി അദ്ദേഹത്തിന് അനുമതി നല്കിയിട്ടുണ്ട്.
മഹാരാഷ്ട്ര, ഛത്തീസ്ഗഢ്, മധ്യപ്രദേശ്, രാജസ്ഥാന്, തെലങ്കാന, ജമ്മുകശ്മീര് എന്നിവിടങ്ങളില് കഴിഞ്ഞ ദിവസം രജിസ്റ്റര് ചെയ്ത എഫ്.ഐ.ആറുകളിലാണ് കോടതി പരിരക്ഷ നല്കിയിരിക്കുന്നത്.
ടിവി ഷോയ്ക്കിടെ കോണ്ഗ്രസ് ഇടക്കാല അധ്യക്ഷ സോണിയ ഗാന്ധിക്കെതിരെ നടത്തിയ വിവാദ പരാമര്ശമാണ് എഫ്.ഐ.ആര്. രജിസ്റ്റര് ചെയ്ത പരാതികള്ക്കാധാരം. രാജ്യത്താകമാനം ഇത്തരത്തില് നിരവധി പോലീസ് സ്റ്റേഷനുകളില് പരാതി ലഭിച്ചിട്ടുണ്ട്. അര്ണബിനെതിരെ മൂന്നാഴ്ച ബലംപ്രയോഗിച്ചുള്ള നടപടികളൊന്നും എടുക്കരുതെന്ന് ജസ്റ്റിസുമാരായ ഡി.വൈ.ചന്ദ്രചൂഡ്, എം.ആര്. ഷാ എന്നിവരുടെ ബെഞ്ചാണ് ഉത്തരവിട്ടത്. അര്ണബിനും റിപ്പബ്ലിക് ടിവിക്കും സുരക്ഷയൊരുക്കാനും മുംബൈ പോലീസിനോട് സുപ്രീംകോടതി നിര്ദേശം നല്കിയിട്ടുണ്ട്.
Discussion about this post